【后生仔倾吓偈】麦明诗唔觉做女人有优势 冯盈盈：你唔好咁悲观
撰文： 邝钰莹
出版：更新：
最近一集《后生仔倾吓偈》又系玩两性问答，陆浩明一开始就以“女生的优势”做热身题，第一个抢答嘅麦明诗话：“做女人有咩好？过十年就唔靓，咁有咩用？做有钱男人只会继续有钱……”到底佢系担心老定系担心无钱呢？冯盈盈听完之后，又表示唔多认同，更叫麦明诗唔好咁悲观，仲例话自己去火锅店拍剧时，本身想去买杯咖啡，老板听到之后，即时“变”出一杯咖啡俾佢，令FYY觉得呢啲就系女生的好处。
之后陆浩明讲到男女在婚姻上的不同之处，例如女仔嫁入豪门就系少奶奶，但男仔就会被称之为入赘，但瞬间又被麦明诗反驳：“女仔嫁豪门比人话，嫁唔到又比人话输……”之后FYY讲到情侣如果发脾气或者吵架的话，多数都系女生会赢，因为既然拍得拖，就表示双方都已经妥协咗，但麦明诗好似又唔多认同㖞。“有啲男仔觉得自己地位比女生高，觉得自己价值、颜值、赚钱能力比女生高，就唔会重视佢，潜意识觉得呢个女仔最终都系拣我，就唔会迁就得佢咁紧要……”虽然麦明诗讲到好似自己经历过一样，但佢就话好彩自己无呢个烦闷，纯粹代入，系真唔系呀？！之后麦明诗又话情侣当过咗30岁之后，男方未必会再系主动道歉𠮶一位。“我开始感受到朋友关系的逆转，以前佢好想同女仔结婚，但30之后佢认为自己仲有得拣。”系呀，专麦明诗仍然系讲紧“我啲朋友”
或者系因为FYY已经有个好男友，所以佢今集真系唔多发表，反观麦明诗就未停过嘴，当问到“到底拣情窦初开定情场老手”时，麦明诗第一个举行话会拣情场老手，原来并唔系男人不坏女人不爱，但其实都差不多：“我宁愿佢系play boy，因为仲有机会从良，但如果情窦初开佢仲未play过嘛……”睇完呢集，都好想问麦明诗到底经历过乜，点解爱情观可以咁悲？