【后生仔倾吓偈】被陆浩明指暗黑　麦明诗：本身系我教坏冯盈盈

最新一集《后生仔倾吓偈》以“阴影往事大扫除”为题，一众KOL、三位主持冯盈盈、麦明诗同六号都交出好多货，当中FYY就提到曾经试过同Martin宝宝吵架的经历，由于男友喜欢面对面咁解决问题，结果二人在车上面对面将跟八小时之久。不过，更严峻嘅系FYY之后要出席记者会同喺红馆表演跳舞，佢话谂返都经典，但亦觉得上咗好宝贵嘅一课，从此吵架都会睇时间。
 

六号之后提出“你最想清除的女主持”要一众KOL投票，结果FYY以大比数“胜出”，主要都系话佢讲嘢太震撼性，令一众KOL太难跟上流程。至于得两票嘅麦明诗，系因为KOL觉得节目改变咗其他人对麦明诗的观感，认为佢可以做啲学术性节目主持。不过，讲到“学术性”、“10A”呢啲字眼时，麦明诗就似为几唔认同。“有人话我讲嘢抄冯盈盈，我觉得好无辜，本身系我教坏佢架。”即系话充满黄色底子嘅并非FYY？六号补充表示：“如果讲暗黑度，麦明诗又真系黑啲。”麦明诗话自己向来都唔系走斯文路线，大家对佢有此错觉，相信系因为同“港姐”形象有关。之后到FYY呻：“啲人话我哋言论好爆，但而家又话over晒、好cheap咁，其实我想讲第一集就已经系咁，之不过依家大家对我哋关注度多咗，我哋唔系博上报，我哋好被动，我哋真系无比钱买打手架。”