【后生仔倾吓偈】麦明诗狂爆另类性暗示　博士级冯盈盈都接唔到口

因为《后生仔倾吓偈》关系，令唔少人都知道冯盈盈充满了黄色底子，不过，原来十优港姐麦明诗嘅黄底都唔弱，最新一集以“港日两地联谊攻略”为题，并请来日本达人周奕玮（Jarvis）做嘉宾。节目一开始，陆浩明问到“约会异性的方法”，冯盈盈就抢答表示揾男友介绍同事系最好，结果即时引起麦明诗不满：“佢讲咗九个月啦，我上星期真系燥咗底，你知唔知道timing好重要……”言语间，完全感受到麦明诗有几dry同几急。

周奕玮于节目中提到日本人约会时嘅文化，提到“胜负内裤”时，陆浩明就叫大家估吓到会是什么类型同颜色，冯盈盈估计会系有蝴蝶结，并且粉红色为主，而麦明诗就话跟据过往睇过嘅日本成人影片经验，“胜负内裤”应该会系白色。答案开估时，周奕玮忍唔住讲咗句“你都睇得几多㖞”无错，佢系讲紧麦明诗……
 

之后众人讨论到“如何暗示去酒店开饭”，冯盈盈就估“好似赶唔切尾理车”，而麦明诗就话“煮个面你食”，当大家都觉得几理所当然时，麦明诗再细细声咁补一句“等你食……下面”画公仔画到出肠，全埸即时暴动，相信大家都系因为估唔到麦明诗对“饮食文化”都咁有研究，冯盈盈更忍唔住问“系未食鲍鱼面”，而陆浩明就好努力咁去打完场，话“我请你食吓面”，仲叫大家唔好心邪，而指下面的意思系放下落个煲煮，已经红都面晒嘅麦明诗就好认真咁用国语讲多次“下面给吃你”，仲话喺台湾大家都会咁讲……