“摇滚大侠”话你知香港Band坛冇断层：一直有好多乐队好争气！
黄贯中、Joey Tang、夏韶声、单立文及恭硕良，五位Band坛重量级人物将于下月合体开骚，犹如NBA全明星赛般，组一队All Star Band为乐迷送上两晚《摇滚大合奏》，一次过满足乐迷五个愿望。
摄影：黄国立
80年代的乐坛是不少人公认的辉煌岁月，今次《摇滚大合奏》勾起大家当年《劲Band Super Jam》的回忆。不过，夏韶声则觉得并非“回到”80年代，因为香港一直有Band坛，他说：“其实Band香港不嬲都有，系一个好兴奋嘅Scene(景象)嚟嘅！只不过可能歌星太犀利盖过咗少少，其实我哋不嬲都喺到。”他更笑言：“我系无间道嚟嘅！虽然我一路好都个人，但我一路都有夹band；所以我唔觉得Band唔存在，因为冇band就冇歌手嘅，只不过可能系报道上少提及啫。”
Joey Tang都话：“照我所知，其实依家观众想睇啲更Band嘅嘢，想喺现场感受一个好热血，气氛好炽热嘅show。同埋，有时反而系观众令到我哋乐队感受番，万人空巷个个举晒手玩嘅感人画面！”
几位大侠认识多年，在不同场合都有合作过，能够组成一队Band演出，各人都大感兴奋话，夏韶声说：“Joey帮我和过音，Jun帮我打过鼓，当时佢14岁咋！𠮶次系我第一次伊馆演唱会，就系佢咁细嘅细路帮我打成场！大家成长咗仲可以企埋一齐，仲可以玩紧自己钟意嘅音乐，真系好开心！”
五位大侠都独当一面，那届时演出会是怎样一个形式？恭硕良说：“我要clarify一下先，我身边都好多朋友问‘咁咪有5队band啰？’唔系嘅，系我哋5个人组成一队band！”他续说：“今次好正！台上面会有两套鼓，到时我同Danny Summer两个耍下花枪！Rundown方面就有待公布，因为今次太多好听嘅歌，要谂点样去set个rundown，不过一定要玩啲cover，一啲陪住我哋成长嘅英文歌。”
夏韶声笑言：“单立文曾经入过我队Band(Visa Band)，佢都有一段时间冇弹，大家都好努力揾番以前嘅技术出嚟。我以前系打鼓嘅，呢次俾个机会我又可以打番下鼓，今次靠佢(恭硕良)带番起我！哈哈！”Joey Tang亦话：“可能有一part系五支结他一齐呢？你唔知㗎嘛！”
早前《摇滚大侠奏》海报一出，引上网上很大回响，有“摇滚大婶判”、“摇滚大细怒”等等改图出现，夏韶声大方说：“证明今次个show impact够大，所以先有人改图去搞笑，我哋系欢迎嘅。”
不过些网民觉得，香港Band坛有断层，仍然需要一众前辈带领，但他们并不认同，更重申：“香港乐队一直都冇少过！”恭硕良更认为今次开骚Timing啱啱好：“近呢几年有好多Band都好争气，好勤力，周围去宣传香港嘅乐队。咁多年嚟我都有去听啲underground show，甚至有香港indie band去到日本Summer Sonic玩。其实大家一直做紧嘢，不过冇人知啫嘛！”
Joey Tang亦都话：“好似我哋玩咗三十几年，我哋大家都应该将乐队嘅生命last forever！可能中间会有停顿，因为你唔会有不停创作嘅灵感。咁就当休息一下，到你有兴趣做音乐嘅时候，再咪做音乐啰，继续一浪接一浪带更多歌曲俾大家。”
场地：
HMV Kafé
Blues Rock Guitar