【专访】夏韶声见尽乐坛百态：以为前辈就一定系劲？有啲得个虚名
有“摇滚之父”称号的夏韶声由60年代于歌厅当乐手出身，初出茅庐时更试过被领班掴到流鼻血，可见要挨出头的确要先“吃苦”。
虽说要吃苦，但乐手不受尊重的问题时至今日仍然存在，夏韶声亦慨叹：“你出咗名就一件事啦，但系未嘅话，好多人嘅眼光都系当你喽啰咁！”
幸而夏韶声于70年开始出唱片成名，够“牙力”替人出头，至今仍会提携Band界后辈，不过有时亦觉一人之力实在有限：“如果话我帮啲后生仔，其实我啲力太细，我都系一个人。就算你叫我咩鬼嘢‘摇滚之父’又好，呢啲都只系一个虚名。”
“边一个玩音乐唔希望可以揾到啖食？”
在香港夹Band、当乐手经常被忽视，因为大部份观众都只注视眼前的歌手，但其实当乐手也要生活，除了不受尊重，Underpay的问题亦很普遍。
夏韶声表示：“我哋都系挨过咁样嘅阶段，边一个玩音乐唔希望可以揾到啖食？我哋拎得起一个乐器，想做一个职业嘅乐手，都希望你可以畀番啲钱嚟养番我，我先可以继续玩落去同养啲家人㗎嘛。”
遇到乐手被压搾，夏韶声都会抱不平：“有次一个喺香港好有名嘅人，佢话‘我系老前辈，你哋就要畀面我，我叫你哋嚟呢度就唔好收钱，但系我会畀着数你哋’。”
一句“我系前辈”、“有着数”就大晒？夏韶声看不过眼：“得！我畀面你！因为你系我前辈，但系我后面𠮶班人(乐手)要收你钱！”他续说：“如果你今日接咗部电影，你可唔可以拍膊头拍到，演员、灯光、服装、场记全部唔收钱吖？唔得吖嘛！你可以唔收导演费，但系全部都要畀，如果唔系我唔嚟！”
最令夏韶声看不过眼就是大家吃过苦挨出头，如今却要新人承受过往的苦头，整个行业没有进步：“你都系Band仔出身㗎嘛！点解你可以做得到呢样嘢！你唔能够用‘老前辈’去压人，你有冇见过我用‘老前辈’去压佢哋！”
他又提到：“通常人就系咁㗎喇，如果做到咁上下，以为自己喺呢个圈子耐，人面多就恰人哋，就一件事啦，例如果个人应得100蚊你就食佢水，畀得20蚊，人在做天在看。”
“唔好以为叫‘前辈’就一定系好叻，有啲系得个虚名”
保持谦虚，抱有不断进步学习的心态才可以继续进步，夏韶声亦认同：“我嘅资历就好耐㗎喇，但系我系每一年嘅新人嚟，用咁样自己呃己嘅态度仲好。唔好以为叫‘前辈’，就一定系好叻、好劲，未必系嘅；有啲系得个虚名㗎o添，我唔想做呢样嘢！”
夏韶声又讲到音乐就是如此奇妙，有时更要向年轻乐手取经，互相启发令到“条命都长啲”。虽说一人之力有限，但夏韶声亦尽力为乐手们争取理想的“骚价”：“因为我试过人哋唔肯俾钱，以为你喺band仔我就畀少啲你；但你玩音乐我叫得你嚟，我就畀番你应该有嘅钱。”
“人在做，天在看”一句夏韶声经常挂在嘴边，认为我们人类的一举一动也被观察，甚至会有“报应”，但“报应”从何而来？是来自地球以外的“佢哋”，而“佢哋”正正与新专辑《2020 Arrival》的主题有莫大关系。想知夏韶声点睇“佢哋”请留意下一篇报道。