【专访．有片】太极爆做监制辛酸：有歌手一只歌录足50 Take呀！

太极乐队成军33年，将于4月举行《太极交响狂热演唱会》，是香港首队与交响乐团(Symphony)合体开红馆的乐队，能够应付阵容如此庞大的演出，全凭多年来于幕前、幕后累积的经验。
摄影：陈顺祯

上一集专访太极各位成员分享过担任乐手的心态，撕下“捞嘢Band”、“鱼蛋歌”的负面标签。其实成功背后面吃过不少苦头，才练得一身好武功，每次在台上稳打稳扎地演出。今集，太极就向大家分享一路走来的苦与乐，到底做录音乐室乐手较辛苦，还是当监制更辛苦？

【专访．有片】做乐手被叫“捞嘢Band”？ 太极：唔系咁容易㗎！

撞正歌手录音50 Take剪埋做1 Take？

Hi-Fi德除了是太极乐队的结他，他也是很多歌手的唱片监制，讲起做幕后的辛酸，他笑言：“佢哋(乐手)唔算挨苦，我呢啲先叫挨苦啰！”

Hi-Fi德续说：“如果讲挨苦，我哋呢啲做幕后遇着一个Artist唱歌唔好，佢要唱足50 Take，你再50 Take剪埋1 Take，你用𠮶啲时间仲苦呀！”身旁的Gary Tong忍不住插嘴问：“哈哈！边个呀？”原来他亦感同身受：“50 Take先剪埋1 Take呀？我剪𠮶啲80 Take呀！”太极众人顿时捧腹大笑，未知是否他们想到同一位歌手有共鸣呢？

音乐总监“特别”的表演方式

担任乐手待遇有所不同是常识吧！少不免会被演唱会音乐总监出题“留难”，雷有辉就有亲身经验向大家分享。雷有辉说：“我嘅岗位系唱和音，试过3、4个和音歌手企埋一齐𠮶阵，个音乐总监特别指住你话‘你，自已唱嚟听下先！𠮶4个Bar唱，呢到开始唱！’𠮶下压力真系会令你呆咗。”

不过有压力先会进步，雷有辉亦因此更有信心面对不同场合，但在旁的Joey Tang“安慰”他说：“咦！好熟㖞！其实呢啲系佢咃嘅表演方式嚟，就系话俾你听我识啰！”众人异口同声：“系㖞！哈哈！”似乎大家都有很深体会。

其实不是每位监制都难相处，也有包容的一面，Joey Tang忆述初期入录音室的趣事：“我觉得揾我弹嘢嘅人辛苦啲啰！好似Gary Tong揾我录音，其实我录音经验好浅，啲监制揾你有时系想你爆啲新嘅Solo俾佢。有次Gary Tong同佢女朋友等咗我录成6个钟，其实Pro嘅可能1个钟就搞掂。所以当时好幸福，有好多监制都肯教育下一代嘅心。”

哗！待遇争咁远嘅？

盛旦华分享，做过乐手再回到太极，才发现待遇的确有分别，他说：“其实做Session有个分别就系待遇唔同啰，返到嚟太极先知有几幸福呀！”话音未落Joey Tang就插嘴说：“依家我揾你弹𠮶啲待遇都几好㗎！”盛旦华神回复：“冇得弹啦直程！”Joey Tang再回一句：“有人恰你咩？边个敢恰你呀？同Gary哥讲！哈哈！”幸好太极各人感情要好，即使“互窒”也一团和气，咩叫一条心见到佢哋就知道。

“音乐经”又点会咁快讲得完？太极分享过做乐手、幕后的苦与乐，当然还会为大家解构这次与管弦乐团合作的构思，原来这次是一场一圆儿时梦的演出。

想知更多记得睇埋其他两集专访喇！