《 淘宝小资女 》有好身材不怕露 欧美风淘宝店推介！
小学姐介绍咗咁多篇，全部都偏向韩风小清新，今次就想为各位魔鬼身材嘅学妹们介绍一下欧美风淘宝店啦。你地知啦，香港想买欧美风既衫离不开个几间大型连锁店，虽然总有一间系左近，但系会有同人撞款嘅风险。入得嚟小学姐专栏，姐系想搞又平又特别嘅款啦，事不宜迟，拉落去睇推介吧！
１）FIVE GIRLS AA欧美潮
属于欧美风入门嘅学妹们，不妨揿入去睇吓，因为有好多欧美基本款，而且价钱唔算太贵。比出边大型连锁店嘅都平啊。
👉立即进店逛逛👈
V领镂空高腰短款短袖针织衫开衫上衣 ¥57.9
作为一个魔鬼身材嘅学妹，就算着件u记T恤都可以见到性感线条，所以性感嘅基本款系必要嘅。当然出街着得比较欧美，但又唔想太性感，可以选择低胸露肚脐嘅短袖款，配番条高腰嘅牛仔裤，短裤长裤都冇问题，反正着咩都遮掩唔到你条长腿。呢一款仲系针织料，有少少暗花纹，平凡得来又唔单调。推介！
讲得性感嘅衫点可以少咗包臀连身裙！包臀连身裙令到你身体线条显露无遗，系欧美风必入手item之一，平时着出街配对波鞋，夜晚去饮嘅就配对高跟鞋，一件衣服两个风格。小学姐家最多嘅裙一定系包臀连身裙莫属。
如果想拣欧美风嘅平价衫嘅话，呢一间最适合你不过。事关呢间舖入面性感嘅衫比例会较多，买去蒲着都可以嘛，比较适合热爱性感风嘅学妹。但今次小学姐就介绍下性感入门款先啦，想睇性感嘅就入去店睇啦。
👉立即进店逛逛👈
性感蝴蝶结绑带裹胸 ¥29.9
呢件top真系超抵玩，只系¥30！而且仲要有款，好多颜色选择。呢种top其实可以显得女仔嘅胸部比较大，腰形嘅线条都可以修得比较好，重要系可以遮到副乳𠻹！配番高腰短裙都一样可以有种型格嘅欧美风。
镂空刺绣连衣裙花边 ¥69
外国女神最爱嘅连身裙。随意上IG望一望，都见到欧美嘅女神着呢种连身裙然后喺沙滩上面摆pose，又或者系一间好靓嘅酒店入面影相。我哋亚洲人都一样可以！呢条连身裙已经好特别，咩都唔使加已经好有味道。如果你有一把长嘅卷发，咁就更perfect了！
3）鲤鱼小姐 (1个金皇冠)
呢间可以话系我咁多年见过最多款嘅淘宝店。多款到几个钟到睇唔完。所以真系可以话淘宝淘宝，喺呢度真系随时淘到宝。虽然佢啲相唔算太靓，但系全部都好真实，好清楚。
👉立即进店逛逛👈
弹力抹胸上衣+高腰长裙两件套 ¥39
呢一套重点系价钱只系¥39！相唔相信系一件top再加一条长裙，即系平均20人民币一件！仲要有型有款，着出嚟超靓，小学姐已经打算入手一套。手上加番个草袋再配番对凉鞋，如果去旅行嘅时候加一顶草帽，影出嚟嘅相都会靓好多啊。
雪纺露背吊带连衣裙 ¥45
睇到呢一套即刻谂起去泰国旅行嘅时候一定要买，首先佢嘅花纹好民族风，而且小学姐非常爱佢呢一个露背款！前面冇嘢露唯有露下后面啦，呢条连身裙嘅长度系大腿中间，所以唔会显得只脚好短，而且仲要系橡筋腰，可以自己拉上少少着都冇问题。
4）棉宝宝2014 (2个蓝皇冠)
如果你钟意碎花嘅欧美裙，可以入嚟揾吓有咩啱你地。因为呢间较多碎花连身裙，但价钱比出面平一大半！如果咁啱你要去渡假嘅话不妨选择一下碎花嘅items！
👉立即进店逛逛👈
碎花一字肩修身连衣裙 ¥49
讲到欧美款点可以冇红色嘅items，欧美女神最爱嘅平口领。可能因为佢哋胸部较大，就算着平口都唔会显得胸细，我地都唔可以输比先天较优势嘅佢哋。着呢一种平口领嘅最紧要用一个Push up bar，咁样胸型就唔会太平坦。仲可以带一条锁骨长度嘅颈链，画龙点睛。
田园无袖露背蝴蝶结碎花连衣裙 ¥49
做欧美女神点可以冇一件深Deep V嘅衫，就算影下相吸下晴都好。而呢一件衫前面又有看头后面又有看头，可以话一条连身裙可以影几张相嚟呃like! 而且蓝白色好容易着到皮肤显白，而且只系¥49，畀咗钱都唔会唔舍得。
5）草编包包(4个钻石)
小学姐又买过呢一间嘅手袋，所以觉得好值得我推介畀大家。首先佢寄货速度快，我𠮶间中运站好快收到，其次嘅就系佢嘅袋同相一啲分别都冇，而且质量都唔错，今年大热嘅草袋款佢都有𠻹！
👉立即进店逛逛👈
手工编织包 ¥38
呢一款小学姐买咗番来，容量大不单止，肩带位唔会成日滑落嚟，而且咁大个圆形草袋好易衬，着条连身裙再加呢个袋，已经可以好有风格。有好多颜色，小学姐买嘅系卡其色，但系觉得图中嘅咪杏色都好好睇。其实呢种草袋亦都好衬牛仔裤，除咗平时出街，去沙滩都可以用呢种袋𠻹㗎，够方便！
编织手提包 ¥45起
比较日系风嘅手袋款都有，呢种畀我嘅感觉系偏向日本田园风。佢有两个size，觉得细同大都好好睇，佢大size嘅款有肩带位，可以手拎或者上膊。而且佢仲有一个抽绳位喺入面，就唔惊俾人偷嘢啦！
(产品资料以最新官方发布为准)
(文章纯属作者个人意见，不代表香港01立场。)