【瞩目配角】王俊棠公开TVB生存法则　斥后生唔识捞：冇用脑！

虽然王俊棠（棠哥）在无线（TVB）处境喜剧《爱．回家之开心速递》里面，对儿子池子孝（阮政峰饰）、女儿池美丽（钟凯琪饰）疼惜有加，是一等一的“池富”，但一直以来他在电视、电影都主要饰演大奸大恶之人，更有TVB“御用恶人”之称，他首个TVB剧集角色，便是《陀枪师姐》里面的聂世官，一个以真身人物叶继欢为原型的贼王，然后《陀》剧系列第2、3辑，都是由他演“终极Boss”，“但我觉得《陀枪师姐IV》系我最满意嘅，我自己设计埋个形象，红毛、红须，有啲发挥，出到嚟好劲，仲要杀埋个大佬！”

点击下图观看棠哥精选角色造型：

TVB御用恶人

今日（22/5）刚好64岁的棠哥，加入TVB达23年，拍了接近130套剧集，过半数都是奸角，他直言每种奸、每种恶都是不同，斯文败类和恶霸纵然同属奸人但却有天渊之别，“个样唔同、谂法唔同、做法都唔同，演秦桧𠮶啲就要卑躬屈膝，阴阴沉沉，笑骑骑放毒蛇。”至于奸中之奸，现时必是内地宫斗剧的一班娘娘，“表面上对你好好，其实后面就想你死，完全反映到人本身𠮶种幸灾乐祸嘅感觉，见到人衰个心会好似好开心咁，人好又唔抵得，最好就自己好。”难道棠哥骨子里也是这样？他直言年轻时确实好胜：“但人愈大就愈觉得赢咗又点，好多嘢根本就用唔着，你屋企成叠底裤，几时着到底𠮶啲？面𠮶几条着着下洗完又放番上面。”

全裸出道

时间回到1979年，棠哥细佬不幸遇上车祸，“虽然仲有家姐、细妹，但得返我一个仔，所以我都唔继续行船喇”。决定留港工作的他，一边与朋友合作做运输生意，一边在兰桂坊蒲点“DD”（Disco Disco）打工，一边做模特儿行骚，一边做“茄呢啡”，半只脚踏入娱乐圈，到1985年获李修贤、王钟邀请，正式投身影圈接拍《流氓公仆》，“有人揾我，几大都去啦，系咪先？（全裸㖞！）全裸呀，好犀利，𠮶时带起咗个热潮，之后成龙又裸、洪金宝又裸，好多人都裸。”棠哥之后一直在影圈打滚，或者恶得太入型入格，他于1997年的其中一天，在其经营的酒吧“雷明登”遇上赏识他的《陀枪师姐》监制邝业生，自此走进小荧幕，晚晚陪住观众电视汁捞饭。

点击下图重温棠哥在《流氓公仆》中的全裸演出：

TVB生存法则

“喺TVB拍第二套戏，做（1998年版《鹿鼎记》）鳌拜𠮶阵，我先发现自己系唔识做戏。”棠哥那时41岁，比起当年分别30岁和26岁的陈小春和马浚伟两位主角年长一截，但对他而言，这两位后生仔才是电视前辈，“真系达者为先，唔好以为自己做咗一段时间电影就好叻，有啲前辈真系好谦虚，真系要向佢学习，佢唔会话你，耐唔耐会提点你。当然啦，而家有啲后生就以为自己好叻，会指手划脚，都唔紧要嘅，你几廿岁仲同佢计较咩？”乍听起来，棠哥似是对新一代演员有不少看法，而他亦直认不讳，除了职业道德──“我好憎人迟到”之外，最大的问题是“唔识捞”。

“我记得我有套剧系要吊威吔嘅，个演员要吊到五楼高，之后跌番落二楼，咁下面当然系有纸皮垫住啦，但系呢啲嘢点解要做先，如果你话唔做，替身就会做，呢啲系畀替身、武师㗎嘛，你做乜抢埋人哋个位，你就系唔醒目，你系得，但你都要畀碗饭人食㗎，都唔用脑嘅！”虽然棠哥话自己当时并非在现场，细节都是从别人口中得知，但故事却是确确实实隐含着在TVB上下通用的生存法则，“你提佢，佢都唔高兴，你以为人哋唔记得，唔系呀，只系一时唔记得啫，你出咩声，出声即系话人唔好，个嘴好紧要，Keep your mouth shut。”

绿叶王

提到TVB演员近年逐一离巢，其中一位绿叶王刘江离开TVB受访时更暗指自己遭待薄，令外界不少人怪责这间全港最大电视台不懂如何留住人才，作为23年老员工的棠哥便直言双方都有问题：“旧嘅唔去，新嘅就唔嚟。我哋都要适者生存，既然公司要改革、要变，你就要适应公司，唔接受改变就唯有走，唔接受又唔离开就你自己辛苦。”确实，多数观众都察觉出TVB正在改变，只是改变速度未必追得上时势，作品仍然与国际标准，甚至国内水平有所差距，棠哥坦言一切都是钱作怪：“TVB规模好细，比起内地十亿、八亿咁拍，边有得比，人哋千军万马，一场戏就一万几千人。有时畀你一个Budget（预算），未曾拍完，就冇晒Budget，咁点呀，唯有想办法拍埋佢，有时都会觉虎头蛇尾。（往往都衰收尾？）我又唔敢咁讲，容乜易俾人炒鱿㗎！”果然，对于不可说的事物，我们必须保持沉默，就如维根斯坦《逻辑哲学论》所说一样。