【瞩目配角】张松枝放手让儿子探索世界：唔试过人生又有咩意义？

“𠮶阵喺大台，好多人都惊我㗎，啲新入嚟嘅训练班一见到我就好惊，因为佢哋真系睇电视睇得多，以为我真系大反派。”张松枝于30岁时在TVB《茶是故乡浓》中饰演戏份相当重的二世祖“荣耀祖”，因精湛演技令观众把他恨之入骨，结果就演足奸人那么多年，甚至被贴上“御用奸人”的标签。直到离开TVB，他才开始演其他不同类型的角色，大相径庭的演出令观众刮目相看。有人说，不再演奸人的他终于成功“洗底”，但张松枝就似乎不太认同这个说法：“一个演员做奸就系咁奸啦咩？”
摄影：刘智源
短片：吕荣栋、徐伟海
剪接：吕荣栋
专访场地提供：小时光 scoool 

“佢哋后尾都有同我讲：‘我第一次见你真系好惊你㗎，因为我细细个睇你呢，你拍啲奸角真系好奸！我而家入咗行都仲觉得好惊’。”刚过51岁生日的张松枝挂着笑容摇头无奈说道：“其实我份人都几平易近人嘅，好多人都好钟意同我倾偈，我可以氹到佢哋好好笑，暂时冇乜人讨厌我㗎，哈哈！”

点击回顾张松枝演过的经典角色：

与11岁儿子的相处模式像朋友

张松枝最近在ViuTV剧集《二月廿九》中饰演默默在背后关心女儿的“辰叔”而广受观众欢迎，而现实中的他亦已拥有一个幸福家庭，更有一个11岁大的儿子。作为爸爸，张松枝与辰叔最大的分别就是，自己像一个长不大的大细路，所以与仔仔相处更像是好朋友：“我会同佢打波、踩单车，因为我住郊区，好容易可以踩单车放风筝，有时都会去水坝坐低倾下偈，经常会做呢啲玩意，所以亦比较融洽啲。”

把儿子视作自己的骄傲　最爱一齐睇卡通

提起仔仔，张松枝自不然流露出一丝的温柔，大赞有音乐造诣和语言天分，作为父亲深感骄傲：“唔系太靓仔，叫得意啦！我觉得佢都好多人钟意，见到佢就会话佢得意。佢仲愈来愈多古灵精怪嘢，成日同我做戏，好有表情，啲对白又有节奏，哈哈！”张松枝在仔仔面前，同时亦是一个充满童真的大男孩，会在家里排排坐一起看卡通片：“佢钟意睇《变形金刚》，仲有𠮶套咩超人呀？（一拳超人？）《一拳超人》我钟意睇㗎啫！我有上网睇，系好好睇！同埋啲比较搞笑嘅卡通片我都有同佢一齐睇！”

小时候冇人教　成人父后对儿子倍加保护

张松枝小时候住在蓝田公共屋邨，小时候因为兄弟姊妹多，父母又学识低，没有太多时间对他多加管教，所以险些被童党带坏：“我哋都系自己落街玩，点都好都系自己搞掂，冇人教！𠮶个年代实在太多黑社会童党，喺屋邨长大，你唔够坏就会俾人恰。”张松枝成为人父后清楚知道，对子女给予自由的同时，亦要在适当的时候展现出严父的一面：“我就比较畀佢自由啲，但过分嘅自由又唔得嘅，冇理由打机打十个钟㗎嘛！我话，你打还打，我畀个时限你啦，半个钟，你唞一唞再打啦，或者‘唔好打机啦，瞓觉啦！’𠮶种一定有嘅！”

为人父母　谁不想做到100分？

他笑言，虽然自己觉得很爱锡仔仔，但要成为他心中的100分老窦其实一点都不容易：“永远做家长，都系觉得自己一个好，但系喺小朋友心目中，系好定唔好就好难讲喇！因为督促小朋友，佢一定会觉得你唔好嘅！”张松枝认为每个家长最紧要的是不能以双重标准去看待自己的小朋友：“我唔系唔畀你做，其实呢啲每个后生仔都会做，你细个你都会打机，其实我去到10几20岁我咪又系咁样打红白机，自己都打唔停㗎，唔通你又怪自己咩？点解而家又怪个细路啫？”

放手让儿子做喜欢的事　盼能过无悔一生

每个父母都会希望自己的孩子能成材出人头地，张松枝直言不希望将太多的压力付诸在仔仔身上，只希望他能开开心心长大，过无悔的一生：“唔好理佢咁多嘢喇，由得佢畀佢自己去探索呢个世界啦！所以佢将来想做咩就做咩，人一世物一世，你唔试过嘅话，你嘅人生又有咩意义呢？”

点击观看更多张松枝的访问照片：