【瞩目配角】吕珊童星出身睇淡爱情 七八岁见尽离合：点会憧憬？
上回讲到吕珊与梅姐的往事，也讲到吕珊参加新秀歌唱比赛的经历，相信大家又再了解她多一分。珊姐在TVB拍剧多年，唱歌事业也是少有名气，大家也会略知一二，反而她一直没有过多提及自己爱情的部份，今年56岁的珊姐依然单身，而她解释，好大机会是因为自少便加入了娱乐圈。
Credit: 台北·寛巷子@海港城
【瞩目配角】微时见证梅艳芳有情义 吕珊：佢好值得有咁嘅名与利
爱情，最简单直接的解释，就是找对了另一伴，能够陪你走过一辈子。珊姐明显找对一个人是多么的困难，她说：“我觉得好似你喺生意上揾个合作伙伴长期拍档都难喇，如果系一齐生活，由瞓到食饭到工作，或者一齐享乐，好多嘢共同嘅，其实都有个难度喺度，所以都系随缘。”
当然珊姐并不是一直都单身，人生也试过出现另一伴，可惜依然不能长久，她更相信，友情会比爱情走得更长远，“爱情其实同友情系咪差唔多呢？都系缘份呢？只不过爱情多一两样嘢，拖手之类，其实差唔多，有缘咪一齐。其实你都系要畀对方有空间，尊重人哋，咁先可以维持到𠮶个情谊嘅长久，但系有时你尽咗几多力都好，如果真系冇缘都冇办法挽救。”珊姐指可能很多女士都会对爱情有憧憬，但自己只会专注工作，并不想浪费时间多想，她说：“爱情实质系呢样嘢唔系坐低发白日梦，谂吓嫁唔嫁入豪门呢？嫁去边呢？再返去做嘢。我一直以嚟个思想就系谂点样个工作再做好啲，呢个唔系压力，而系都有个热诚喺度做嘢，所以觉得工作，我唔系工作狂，但我觉得工作喺我血液入面运行得劲啲。”
珊姐五岁开始入行拍下第一部电影，之后展开唱歌生涯，年纪轻轻便踏进这个人称“大染缸”的娱乐圈，很多想法自然和普通人有分别，她说：“通常女士对爱情都会有种盼望，但我真系冇乜，我太细入呢个圈做嘢，五六七岁就喺呢个圈，我系一路都接触大人，我身边系从来冇小朋友群，连我自己由五岁，十岁、十五岁嘅朋友都冇，我一接触已经系廿几三十几，你谂吓一个咁细嘅细路仔，由始至终都系见住劲大嘅大人，你话佢嘅思想系咪有少少异于童年呢？”太早见过太多事，可以是丰富了人生历练，也可能会对你的人生创造了不能磨灭的痕迹。
即睇更多吕珊靓相：
《香港电影我撑场民选大奖2020》全民一人一票，用行动撑本土！
https://hkmovies2020.hk01.com
旗舰智能手表 Series 5、Dyson风筒等丰富奖品等你赢!
“见得太多人面孔、太多故事，系好丰富嘅故事充住喺个脑度，细个已经见咁多嘢，你点会憧憬？你唔会谂呢碗面系咩味呢？都不出甜酸苦辣嘅啫，都知道晒。”或者这便是珊姐到现在也是单身的原因，爱情的体验，试也试过，看过也实在太多，已经不再是自己需要的目标。“七八岁开始我已经见到啲哥哥姐姐离离合合，好多家庭纠纷又好，幸福又好，好多唔同嘅嘢喺度上演，太多嘢睇到，咁我会记住。我会过滤吓，唔会落闸嘅。”珊姐笑说。