【早霸王】多年好友变拖友契机系乜？　闷男友：失恋时佢帮我好多

经历过几次的“失败过案”，今个星期嘅《早霸王》“你知道唔知道有人挂住你”环节终于再次出现有缘人，男主角Kenji同女主角Elva相识8年，去年正式成为拖友，Kenji表示:“最初系同公司，之后大家转公司分开工作，由于系同行，所以间中都有约食饭，直到去年我失恋好唔开心，佢陪我好多，帮我好多，慢慢开始有感觉。”
 

由多年好友变为拖友，娱乐圈都时有发生，之不过到底契机系乜呢，小仪同代班主持Marco都非常好奇，Kenji就话：“因为后来大家喺同一公司撞返，经常会成班朋友一齐食饭，多咗联络。”到底系缘份定系整定呢？why not both？连小仪都话：“好似有条路逼佢哋一齐咁。”但另一方面，二人拍拖一年就嗌结婚，到底系一时激情定早有共识呢？Kenji就大赞女友心地善良、又够精明，并“识得管理我哋以后嘅生活、包括理财等等。”

【早霸王】23岁仔无句真连朋友都睇唔过眼　女方狠飞兼全面封锁

【早霸王】速食男表白惨遭食柠檬　森美：女仔刁侨扭拧系应该

小仪听到之后，就笑问Kenji其实系未想揾个Manager。 嗱！其实Kenji一开首就已经话女友嫌佢闷、又唔浪漫，所以佢先想打去《早霸王》搞少少惊喜，而佢亦有提到如果打唔通的话，都系打算在餐厅以鲜花同戒指求婚……听到都觉得闷，之不过，呢种男人可能先系世上最可靠又稳阵，所以当电话接通后，Kenji讲完︰“8年前识到你好感恩，拍拖日子好开心，你亦好善良、聪明，希望你可以同我一齐组织家庭，你系个好太太、好妈妈，请你嫁俾我。”听落好似好简单甚至有少少“旱”，但电话另一方嘅Elva好快以情深地“嗯”代替“好”，礼成！