【早霸王】当怕羞仔遇上女神：佢话表白一定要经《早霸王》

Happy Friday！又到《早霸王》的“你知道唔知道有人挂住你”环节，今日打去电台嘅系一名叫敏敏的女仔，她表示自己有玩开直播，由于只系无聊唱歌，所以唔系有太多观众，但就一直有位忠实支持者－－小新，小新除了会拉埋朋友撑敏敏场之外，早前亦有陪敏敏到澳门睇演唱会，不过由于敏敏系歌迷会会长，所以在澳门期间好忙，搞到有少少冷落小新。“但佢之后都有送花去到公司，张卡署名系天字一号fans”咁到底呢种爱系属于偶像与粉丝的爱，定男女之间的爱呢？森美同小仪都捉摸唔到

不过敏敏就认为系后者，而佢原来曾提议过小新打去《早霸王》表白，但由于对方非常怕羞，甚至“出街都系唔出声”，所以敏敏就勇敢踏出第一步！而另一边厢，有名叫小新的男仔打去《早霸王》谂住表白！真系咁啱？！

未有听到节目直播的小新，同森美表示自己准备向女神告白，问到到底女神有几吸引，小新就话：“个个都话佢靓、最靓系佢，其他女人喺我眼中已经系唔得，佢同我一样钟意达哥，同埋佢好简单，好易就开心。”小新提及同女神喺澳门坐的士时，女神问佢只窗要点闩，令佢觉得女神好简单……森美听完之后都忍唔住爆笑问佢系蠢定系简单。

小新之后话自己原来已经喺女神公司楼下，如果表白成功的话就请对方落楼收礼物。“佢话表白一定要经过《早霸王》所以我咪打上嚟，如果say no都无得算，咪食个饭再返工啰。”两边电话上马接通，小新听到敏敏把声之后，都以为系大整蛊，但好快就醒起要表白：“我知你之前嘅感情，都系做付出𠮶位，感受唔到别人爱你，希望你下一段系被爱，我会做得好好，如果你接受我就落嚟，我喺楼下等你。”礼成！