【早霸王】速食男表白惨遭食柠檬　森美：女仔刁侨扭拧系应该

每逄星期五，又系《早霸王》的“你知道唔知道有人挂住你”环节，已连续几个星期都系“成功案例”，甚至有女仔同暗恋对象讲“表白一定要经《早霸王》”，之不过，今日打去节目的Nikson就无咁好彩啦。
 

Nikson表示自己在IG上认识了阿恩，且好快就已经得到对方电话号码，倾咗一星期电话后，随即邀约对方出嚟睇戏，都唔知Nikson系有心定无意，拣咗套《无声绝境》，所以在过程中，发生了“睇睇下佢惊就捉住我”并且“完场拖住手行出去”，Nikson话之后都有同阿恩出街，而且有锡锡，但当佢问对方“算唔算男女朋友”时，只系得到“要谂吓”的回复。

拖手又钖埋都唔算系男女朋友？森美喺呢个时候都不禁表示“而家啲爱情好奇怪，钖埋都未系男女朋友。”而观乎阿恩的态度，森美就认为女方如果唔系“收兵”就系本身有男友，但Nikson就话“出街大家AA制，而且问过佢话无男朋友”既然系咁，唯有打电话问清楚。对于森美小传问到“点解唔拍拖”、“考虑啲乜 ”阿恩就话未有拖拍，原因系想睇定啲先，并以“相处模式”为考虑条件之一，虽然阿恩最终都讲出“Nikson”呢个名，而Nikson亦即时公开表白，但阿恩就话“真系需要啲时间，因为太快”，森美为打圆场，都话“女仔刁侨扭拧系应该”并指双方识咗唔够一个月，确系需要多少少时间去互相了解。