【早霸王】森美选睇戏十大最无瘾行为？　食薯片原来唔算黑人憎

袁伟豪早前与“行内人”发生的小插曲，随即引起唔少网民讨论在戏院最怕遇到的事情，而森美、小仪今日亦在其主持的《早霸王》内，列出“去戏院令你好无瘾的事”的事项，当中包括：开场前厕所大排长龙、唔记得带3D眼镜，又要、发现戏飞越嚟越贵、焗住坐第一二排、冷气太大，冻到专心唔到、附近有人即场讨论剧情、同场有失控嘅小朋友、有人食好香嘅嘢、坐侧边嘅人成日出出入入、俾后面踢櫈、有人食爆谷食得好大声、两个扶手被人占据、细细声倾电话、有病友不断咳、情侣喺你前面亲热。
 

结果踢櫈、失控嘅小朋友以及讨论剧情成为网友心中最无瘾之首，对于踢櫈呢个行为，高人一等嘅森美就话有啲戏院嘅坐位较窄，好多时要翘脚先可以坐得晒，翘得耐又要换吓姿势，结果就系唔小心踢到前排观众，虽然森美讲到情有可原咁，但睇睇吓被人踢一脚真系非常令人不爽。至于讨论剧情甚至系剧透，相信唔少人都会遇过，其实想倾计，大可以返屋企或者去茶餐厅，但偏偏唔少情侣、夫妇都好喜欢将呢种行为留在戏院内进行！有网民留言表示都遇过以上情况，跟对方反映后得到“戏院有话唔俾人讲嘢咩？”的回应，野人的行为完全令人无语。

而票选第一的“同场有失控嘅小朋友”，相信同《复仇者联盟3:无限之战》不无关系，森美更笑言有朋友带囝囝入场，一心睇Iron Man，结果系一开场，小朋友就已经因为太惊嗌走人，他认为小朋友失控又或者系咁发问，要怪就只能怪父母。虽然“有人食好香嘅嘢”未有打入三大无瘾之列，但小仪就话曾遇过有观众外卖黑椒猪扒饭入场，森美表示依家戏院增加唔少热食，咖哩鱼旦绝对系浓味之首。