【早霸王】拍拖十年要收楼先敢结婚　森美：心魔一样

到底“成家”系未就一定要先“成家”呢？呢个出现过在无数讨论区的问题，今日嘅《早霸王》，亦有男听众表示等了10年，终于同大学时认识的女友提出求婚，“点解要等咁耐呢？”主持人森美同大家都抱有同一个疑问，男听众就话一直都有结婚打算。“但最后拣了先置业，依家差不多收楼。”森美听到之后都话有楼先有得结婚这想法如同心魔一样，“香港人如果唔加埋呢条数，觉得系唔能够得到幸福。”

出至无线节目《有楼万事足》的““有楼有高潮、无楼咪白撞””尽现不少“上车”欲望，甚至有不少情侣为求有个安隐的家都唔介意做“楼奴”。就算当你幸运地遇上真爱，肯同你挨老麦、肯嫁老公而非嫁层楼，但都有机会遭到女方的父母作出善意忠告。无论系“先买楼、后结婚”抑或“先结婚、后买楼”总之就系要有楼！亦有父母更笑言生女好过生仔，因为生仔的话，你首先要准备好一层楼以供囝囝将来结婚之用，看似夸张但又确系事实。但亦有调查显示，认为“有楼先可以结婚”呢个想法，比早两年下降近10个百分点，就连李嘉城之前都话过“如果无楼唔同你结婚，有咁嘅谂法，如果我做男呢，就会同佢（女仔）讲，你趁依家后生，快啲揾第二个！”如果大家都接“指引”去做的话，相信好多女仔都唔使嫁。