【壹号皇庭】御用师爷叶振声原来系配音员：一日都有5位数

深夜有追看《壹号皇庭II》，除了看到一众主角二十几年前青涩的样子外，亦见到不少绿叶，尤其经常坐在王菲、陈秀雯、欧阳震华身边的叶振声，眼利的观众，应该记得他在第一辑是饰演庭警，现职无线配音员的他说：“当时bobby同大宇都同我讲笑，咦！你升咗职㖞。。”剧入面升职，而现实中就转职，叶振声由艺员变了做配音员，佢代替已故林保全声演《忍者乱太郎》中的山田老师，刚播完的《射雕英雄传》周伯通，及无数的日剧、美剧，他说：“幕前做唔到男主角，估唔到我喺幕后有机会。”

叶振声大约24岁入无线，未入行前当过警察，他说：“17岁半入警校，做过军装、便装，之后陪朋友报名训练班，因为冇压力呀，面试好放，所以入咗。”在第一辑《壹号皇庭》他当了整辑庭警，原来是珍姐钦点，他说：“珍姐知我做过差人，所以叫我去做，𠮶阵啱啱训练班出嚟，如果见到套剧有咩关于警察嘅嘢可以帮下手，阿姐好细微㗎。”当过差，善于观人，亦懂自知，他说：“做咗几年其实都知大约去到咩位，𠮶阵咁啱有配音员训练班，就试一试啦，因为单靠艺员𠮶份真系得4位数，所以要求变，配音当时嚟讲几好揾，有时开通宵成千蚊一晚，好多配音嘅都系因为𠮶阵储到钱先买到楼，我都系。”

叶振声享受幕前，误打误撞入了行，之后慢慢爱上演戏，更视它为梦想，但他知道现实很重要，他说：“我冇谂过要做到点呀？几红呀？剩系想做戏，做艺员尤其你唔红一定辛苦，边一代都系，而家嘅新人都系咁辛苦，我视做戏为梦想，但梦想要代价，你照顾好自己喇，再去支持你自己想做嘅嘢啰，而家系全职做配音，但如果有机会都想拍下戏㗎，我仲系好钟意。”

叶振声由02年开始配音工作越来越多，现在科技进步，就算NG都没有问题，但原来以前要1take过，他说：“而家有几条声道，你NG都冇问题，但以前得一条声，一衰咗要由头嚟过㗎，压力大过拍戏，啱啱入行𠮶阵好紧张，就算配人群声，讲句‘系啦’都成手汗，因为你惊累班前辈迟收工，唔好睇少一句半句呀，譬如大佬讲一句‘兄弟系唔系呀？’你要走上前讲一句‘系呀！’都要时间好准确，快少少、慢啲啲都要重新嚟过，好考功夫㗎！呢行其实对我嚟讲，当然好揾过艺员啦，而家我配一日都有5位数字，好多电影都需要呢方面人才，以前我就多数配方中信、任达华。”