【壹号皇庭】同王菲拍亲热戏要讲清楚 苏永康：佢吓到缩开好尴尬
撰文： 温菁莉
出版：更新：
近期深宵时段播出嘅剧集《壹号皇庭II》话题同台庆剧差唔多一样咁hit，当中饰演Raymond嘅苏永康，昨晚在芷珊姐姐主持嘅《最佳拍档》中透露拍摄时嘅趣闻，苏永康透露剧中和饰演他女朋友嘅王菲拍摄亲热戏，就唔小心吓到对方弹开，“有场戏王菲煎牛排，我就要去帮她煎，一掂到佢只手，阿菲就吓得即刻弹开，成𠮶气氛好尴尬。”
+1
93年仲系叫王靖雯嘅王菲，已经系《壹号皇庭II》中做一个相当重戏份嘅角色饰演新进检控官唐毓文(Mandy)。剧中留著长发嘅王菲嘅气质简直系一流，如果要用时下嘅形容词形容嘅话，用“文青女神”一词无误！睇返资料当年王菲只有24岁，非常年轻，所以如果拍亲热戏会吓到弹开，相信大家都可以理解嘅。而《壹号皇庭》系列，王菲虽然只拍过1出，点解唔再继续拍？亦都系多得《壹号皇庭II》，因为当时佢为剧集唱出插曲《执迷不悔》，唱到街知巷闻不得止，亦为其后其歌坛天后之路铺下基础！
在《壹号皇庭II》中除了气质被网友大赞外，演技都系重点之一，虽然资历同年纪好青涩，无论系当年收看剧集嘅观众还是现在才收睇嘅网友都好受落。其后王菲1994年拍摄电影《重庆森林》，仲提名《1995年香港电影金像奖 》及《第31届金马奖》最佳女主角，虽然之后都系同奖项擦身而过，但在《 斯德哥尔摩电影节 》获最佳女主角奖项。要数王菲最近年嘅作品，已经要去到13年前由王家卫执导嘅电影《2046》喇！