【壹号皇庭】19岁古巨基演酒廊歌手过镜　基仔：我真系现场唱㗎

《壹号皇庭》除了看剧情外，最好睇见到不少巨星未红时的演出，20岁包包面的郑秀文，及第二辑的王菲（当时叫王靖雯），而前晚第五集就惊现另一位巨星古巨基，该场戏讲黎耀祥和崔加宝分手，独自在卡拉ok借酒消愁，而古巨基就饰演卡拉ok歌手，虽然只得两幕，但剧中非常认真地唱歌，相当投入，可惜听不到他的歌声，因为被《壹号皇庭》背景音乐盖过，不少基仔粉丝都有发现，大家都好奇基仔究竟唱咩歌呢？系咪真系有唱，定只系做口型呢？原来基仔亦有留意到这件事....

古巨基回忆说：“我当时19岁读紧TVB训练班，有人俾通告你开工，好开心㗎，去到仲叫我唱歌，我当时非常开心，佢叫我拣首惨歌唱，我就拣咗《是缘是债是场梦》唱，我真系现场唱㗎，唱咗几次啰，（cut咗你把声？）咁唔知喇，有人话第一次播系听到我把声嘅，但之后唔知系咪版权啦，咁就冇咗我把声啰，而家睇返感觉好似上星期发生咁呀，好得意。”究竟边位咁独具慧眼找到这位未来天王唱歌呢？通常这些跑龙套角色多由助导或统筹负责，而这集助理编导是李淑雯，统筹刘顺安，而后者为现为大陆剧《《莫语者》总导演，主角为黎明，想不到隔25年，除了古巨基外，幕后亦闯出一片天。