陈卓贤拍再见宁静海MV罕有爆喊 剖白儿时属ADHD常被打惯压抑情绪
MIRROR陈卓贤（Ian）今年首支派台作品《再见宁静海》已于各大平台上架。歌曲内容关于一则凄楚虐心的爱情故事，带出要学会珍惜，不要等到失去后才带著遗憾终老的讯息。颜卓灵（Cherry）担任MV女主角，与Ian齐齐爆发演技。Ian亦剖白自己小时候属ADHD，习惯压抑情绪，这首歌曲令他能坦然流露情感，感触爆喊。
《再见宁静海》由黄伟文（Wyman）填词，讲述男、女主角以《私奔到月球》为定情歌，许多场景都围绕著两人对月球的憧憬，但原来“月球”背后有另一重寓意：“当初同Wyman讲过想系1969年岩士唐登陆月球嘅故事。喺登陆月球返回地球后，岩士唐有可能想再上去，但就好似世事，有阵时你想做到，你理想系咁，但你未必做到。岩士唐之后都未必可以上得返月球，会有好多遗憾。”
歌曲中的两句歌词已概括了故事的主要讯息：“最快乐时候未知最快乐”、“到跌落凡尘就知再没有”。Ian希望可以提醒大家珍惜现有，把握当下：“大家好幸福时唔意识自己好幸福，所有嘢都系喺失去咗之后，带住呢个遗憾终老。”
Ian拍摄《再见宁静海》MV时与Cherry轮流爆喊，他在拍摄时真情流露哭成泪人，他剖白小时候属于ADHD（专注力不足），在家人的管教方式下习惯压抑情绪：
“由细到大都甚少喊。细个我好硬颈、好曳，属ADHD（专注力不足），但以前屋企人冇正视呢样嘢，只觉得小朋友曳，就要打，但我被打时依旧好硬颈，喊都唔喊，郁都唔郁；一句话都唔讲，由佢哋继续打，打到佢哋攰为止都唔会道歉。大个咗之后都唔会俾自己情绪外露，情绪一涌上嚟就会自然揿返落去，有阵时演戏都会遇到呢样嘢，Feel到好感触，有情绪想要发出嚟，我冇刻意控制但身体都会自然揿低佢。”
而这次拍摄却帮助他大解放，将感受到的情绪爆发出来：“今个MV第一日拍摄嘅时候同Cherry第一幕戏已经好有感觉，好多谢佢演绎得好好，望住佢双眼，感受件事嘅时候，大家已经进入咗个世界，所有情绪、感情演绎嘅部份，系完全投入咗，伤痛爆喊嘅情绪亦自然流露。”
相关阅读：小朋友最早3岁出现ADHD征状 成因中7成属遗传因素
ADHD孩子常见征状
点击即睇“新手爸妈怀孕育儿手册”↓↓↓