旺角越野跑小店停售HOKA山鞋3年　店主旁观劈价潮：我会笑、开心

HOKA山鞋长期大减价，加上行山热潮退却，令香港户外用品行业面对一个小低潮。王永育（Paul sir）在旺角商舖经营楼上舖7年，主要出售跑山及行山用品。他表示疫情初期封关，生意不错，但到疫情中后期已回落，幸好他的舖头是自置物业，也没有聘请员工，营运压力不算太大。
Paul sir毫不讳言他跟HOKA之间的恩怨，3年前因售价问题与代理商交恶，之后再无出售HOKA，一度被妻子怪责。他承认HOKA的减价对其他山鞋品牌如Brooks及Altra的销售都有影响。他笑言HOKA山鞋、T8跑裤加上Salomon背囊现在如同跑山界的“校服”。

在HOKA山鞋持续减价半年的背景下，记者5月到访旺角的Blue Mountain Sports，访问店主Paul sir。在记者模糊的印象中，这间户外用品店以前有HOKA出售，但今年上到店一看，只见VJ、Brooks及Altra的山鞋。

3年前与代理有争执　再没有出售HOKA

Paul sir解释：“我哋6年前就卖HOKA，系佢嘅其中一个主力零售，𠮶阵嘅销售就算唔入佢哋前5都系前10。每年拎货都比上一年多，攞最多货嘅时候大概一季1000对。3年前，我哋同佢有啲争执，跟住就冇再卖HOKA。”

发生过什么争执？Paul sir坦言当年以7折售卖HOKA，收到代理商投诉。“你唔俾我卖7折，但人哋7折就得，我7折点解唔得！人哋卖紧7折，你又唔话佢。”Paul sir说起这件事，仍老马有火，他续说：“佢话下次唔畀货我，我话唔畀咪唔畀，我唔会同你讲对唔住”。

妻子：点解你要同佢嘈

由2020年起，Paul sir的店舖就没有再出售HOKA的山鞋。那一年疫情初起，各地封关，市民无法外游，香港出现井喷式的行山热潮，HOKA也突然爆红，成为抢手货。他笑道：“所以我老婆都话，点解你要同佢（HOKA代理商）嘈，搞到冇HOKA卖，客人想买HOKA都冇得买。”

尽管没有大热品牌HOKA，但Paul sir承认疫情初期生意不俗，多人买鞋，不过之后很快回落。他说：“间舖系我哋自己，唔需要租金，我哋又自己睇埋档……疫情期间都系蚀咗自己份人工啰。”

笑对HOKA减价潮　“不知几开心”

3年前，Paul sir跟HOKA的代理因为售价7折而不和，但由去年底起，HOKA长期大减价，多次开仓，4折5折成为常态，引发山鞋市场的动荡。“我会笑、开心，因为我都冇佢嘅鞋卖，我都不知几开心。”看到如今HOKA山鞋的蚀卖清货，Paul sir说：“如果唔系自己开舖卖鞋，我都会去买返对。”

“我舖头一对HOKA都冇，你话对其他鞋有冇影响，点都有。”他表示Altra Olympus系列的山鞋与HOKA Speedgoat功能相似，两者皆用Vibram鞋底，故较受HOKA减价潮的影响。他说：“如果系Altra，我觉得少咗3成（生意）。Brooks都有10到20%影响，VJ就冇影响。我哋主要系做呢3个牌子。”

VJ是芬兰品牌，几款山鞋的定价都接近2000元。Paul sir表示VJ的性能比HOKA更佳，非常防跣，但价钱亦贵一截，与HOKA的市场定位不同，所以影响较低。他续介绍Brooks的山鞋走平民化路线，定价在千元以下，会比HOKA的耐用。

山赛搞手开舖　方便参加者领纪念品

Paul sir从前开厂，做过电子厂及制衣厂。他也是一位越野跑手，当年觉得香港的山赛办得不够好，所以在10年前开始做搞手，举办各类越野赛，例如针山十登与环大帽山越野跑。为方便参加者领取号码布及纪念品，他7年前在旺角开设楼上舖，出售跑山行山用品。

近月，有开仓将著名越野跑鞋HOKA的Speedgoat 5由定价1500元减到600元以下，为原价4折，相信低于批发价，算不算贱价？Paul sir说：“我又唔觉得好贱。我自己做厂出身，一对咁嘅鞋成本几多钱？我成日同人讲，咪都系百几蚊。而家卖五百几六百蚊，其实人哋仲赚好多钱。”

Speedgoat 5 四折清货不算贱价

“所谓厂价大概系正价10%左右，例如1500蚊正价，厂价就150蚊左右，佢而家卖畀你五六百蚊，你觉得贱咩？我又唔觉得㖞，你话佢减到几十蚊先系真真正正嘅贱价。”

Paul sir的店舖卖山鞋以外，还有衫裤及背囊等装备。他说：“我系好熟（制衣流程），所以一件衫好唔好、佢哋有冇用心机做𠮶件产品，基本上呃唔到我，我都系做厂出身！我知道点样整一件衫出嚟。”

开舖7年，Paul sir很喜欢与客人聊天交流，分享产品资讯及训练心得，他亦会举办越野跑工作坊，教人跑山。他说：“我做厂系赚到钱嘅，但𠮶种系赚到钱嘅开心，同呢种开心系两回事。呢种系人与人之间沟通、交谈嘅开心，唔系物质上嘅。”

他会告诉客人，没有一鞋走天涯这回事，不要贪心，“唔好跟风。每对鞋设计唔同，一对鞋唔一定适合所有人。唔系话人哋著𠮶对，你又要著𠮶对……你要清楚自己系快脚定慢脚，系咪非常怕跣，行开咩路、跑开咩山，所以一个跑者会四五对鞋绝对唔夸张。”

他笑言近期跑山界出现了一套“校服”，很多人喜欢穿HOKA的鞋、T8的裤及Salomon背囊上山。“相信你都听过T8，佢可以话系跑裤界嘅HOKA，我有时会叫佢哋做校服。”T8的跑裤结合了腰包的设计，方便跑手储物。

不过，他留意到另一香港品牌AKIV的跑裤兴起，有些穿T8的跑友山友都“转会”，他解释：“AKIV后面多咗个有拉链嘅袋，等你可以放部手机落去，唔会跌出嚟，咁其实T8都唔会跌出嚟，冇话T8唔好，但加多咗条拉链你会安心啲。同埋佢声称个袋系防水，即系你部手机唔怕湿，落雨又好出汗又好都唔会搞到湿晒。”

在山界多年，Paul sir表示没有一个品牌可以历久不衰，当红的产品总会被其他人模仿甚至改良及超越。

今年，有几间户外用品店相继续结业。不用承担舖租及员工人工的Paul sir表示满意近期的销售额，“如果你剩系卖鞋，基本上你都死梗，所以你睇到我哋鞋唔系占好多，其他嘢都OK。”