旺角人情味行山装备小店结业大清货 店主：个个上嚟都话好可惜
疫情3年，香港卷起行山热潮，却有行山小店没于热潮受惠，生意大受打击，加上店主快将“登六”，体力上难以独自支撑经营店舖，守在旺角楼上一隅17年后，终于决定今年8月底结束营业。消息一出，山界逾千人关注，山友纷纷表示可惜；店主坦言，结束营业是儿时梦想的终结。
网民：又冇咗一间人情味同买平嘢嘅地方
全天候户外用品店（“All Weather OutDoor Gear Shop全天候户外用品店”，以下简称全天候）6月初突然在社交网站宣布，将于8月23日结业，开始清货大减价。这个消息震撼山界，逾千人关注，超过500名网友留下“呜呜”的表情符号，不少留言表示可惜，“又冇咗一间人情味同买平嘢嘅地方”、“又少一间专业好倾行山舖”。
店主郭炜杰叹道：“话晒做熟客多，个个上嚟都话好可惜。”
店主：叫我做多两年，我谂我死都似
全天候逢星期一至六下午1时开店，这天约郭炜杰中午12时访问，想不到有客人12时半就摸上门。送走那位客人后，郭炜杰笑道：“拉番道闸先。”记者这天留在全天候两个多小时，由1时到2时的午饭时段客似云来，郭炜杰忙住应付客人的提问，但2时过后突然水静鹅飞。
59岁的郭炜杰说：“（客人有冇劝你继续做？）有，不过真系做唔到。勉强冇幸福，叫我做多两年，我谂我死都似。”
全天候在2006年开业，最初在旺角通菜街的楼上舖经营，大约5年前搬到现址花园街唐楼的楼上舖。店舖面积约700呎，既是舖面，也是货仓。由货架后到天花顶，几乎所有空间都摆满胶袋、鞋盒及纸箱，只有两条狭窄的小巷行人。店内只有一两张小矮凳，遇上人多的时候，客人可能要站着试鞋。
“仓、货、人全部喺晒度！”郭炜杰说：“我哋呢啲士多仔，地方就得咁大，你想摆个大啲嘅背囊，就摆唔到其他嘢。冇办法嘅，你唔够资本同实力玩落去。”
郭炜杰少年时参加爱丁堡公爵奖励计划（EDA、现称为香港青年奖励计划AYP），喜欢上行山等户外活动。在2006年，当时正职从事建筑业的郭炜杰，与朋友创立了全天候，最初售卖行山用品，例如大背囊、指南针，随越野跑兴起，转为卖跑山装备为主，包括跑袋及跑鞋。
在山界，全天候以两大特色闻名，一是价廉，二是老板健谈，有问必答，乐于与顾客分享经验。郭炜杰表示近期最常分享登富士山的资讯及装备。他说：“以前行DEA，人哋义务教你，之后到你去带学生，可能就有咗呢个习惯，人哋有问就顺便讲下，啲客觉得啱听咪OK。”
有什么意见是客人不中听？他举例说：“跑袋系要好贴身嘅，如果你系中码，就唔好买大码，如果唔系，你放咗装备入去，就会成个好抛。跑袋同传统背囊唔同，著上去可能辛苦啲，系咪咁就要买大一个码？我都会照讲，如果佢点都要买大一个码，我都控制唔到。”
HOKA Speedgoat系列最好卖
谈到开业17年来卖过的产品，很难避开HOKA的越野跑鞋。郭炜杰说：“HOKA一嚟香港已经有做，我试过OK㖞，但佢哋（客人）一见到就话拗柴，唔好话著上去，基本上见到都觉得会拗柴。一路做咗两三年，啲人先慢慢会拣。”
郭炜杰表示HOKA Speedgoat是最好卖的一个系列，如今已经出到Speedgoat 5，但在近大半年的减价潮下，全天候的Speedgoat 5都要跟大势，减到600元一对。他都感叹“去得超慢”，“卖一对就蚀两三百”。
延伸阅读：
HOKA减价成骗徒新手法？网站假称OnTheList开仓4折 疑骗个人资料
HOKA开仓劈价潮｜山鞋店主剖析来龙去脉 由一对难求变清仓跳楼价
绝版“无敌脚”最适合寻幽探秘
说起行山鞋，他记得十几廿年前，全山都穿Montrail越野鞋，如今就变成HOKA的天下。他说：“我对HOKA只系一般，佢系舒服，但你要睇自己嘅习惯，买嚟做乜。好似‘捐’山𠮶班好钟意Scott Kinabalu Enduro，但跑山𠮶班就话唔得。（‘捐’山系指？）即系去揾下啲径，有少少攀爬，寻幽探秘𠮶班最钟意嘅，HOKA就唔好嘞，你感受唔到块地。”Scott Kinabalu Enduro被称为“无敌脚”，几年前全天候都有得卖，但这款鞋现已绝版。
疫情生意大减 未能受惠行山热潮
创业初期，郭炜杰会放工后晚上到旺角开店，不久辞去正职，专注经营全天候。“最好景呀？2008到2011年左右，你见到会多咗新朋友入去玩呢样嘢，之后就冇乜特别进步。你话好景，其实都冇乜试过，只能够万零两万（月薪），最劲都系三万。呢几年就死嘞，基本上系挨嘅，出唔到粮乜滞。”
随香港行山、跑山市场逐渐成熟，竞争愈来愈激烈，大型连锁运动用品店也加重相关产品的比例。疫情期间封关，香港出现全民行山露营的热潮，户外用品成为逆市奇葩，可惜不包括全天候。
“我都估唔到。”郭炜杰说：“商场系好好生意，佢哋（商场及街上的行山用品商）系得嘅。你以为多人行山我哋一定有客？Sorry，真系好死。”
“𠮶啲人唔系行开山，都系买个背囊、买对鞋，喺屋邨或者大型商场买，佢哋唔想揾啲特别嘅嘢。同埋我哋有几多人识？真系冇乜人识，唔会有人山长水远出嚟旺角睇下我哋呢啲舖头仔。”
以前，郭炜杰会跟拍档一人返早、一人返晏，但在疫情时，索性变成一人返一日，反正门可罗雀。他说：“冇出咩固定粮，两条友（他跟拍档）自己计。好彩唔使特别再放钱入去，但冇乜人工，可能得一千几百，𠮶3年真系好死，只能够食积蓄。”
创立山店 完成小时候目标
收入未如理想，加上人事环境转变，如果全天候要经营下去，郭炜杰将要独力支撑。考虑到快将“登六”，体力上难以负荷，他决定结束17年心血，“走去‘再培训计划’睇下，再做多两、三年。起码唔使烦够钟交租、清数，揾份简单、轻松啲嘅工，可能收入仲稳定，万几蚊分分钟多过宜𠵱家。”
“叫做完成细个嘅目标，对住呢啲嘢（行山用品）唔会闷。”郭炜杰说：“唔舍得还唔舍得，眼湿湿可能收工（结业）𠮶日会嘅，谂住啲开心嘢咪算。”他语气一转，欢喜地分享以前拉闸十几日去尼泊尔行山，又去台湾环岛踩单车。
全部开心回忆都是拉闸去旅行？“工当然要开，但有得玩就好玩！大佬，你玩嘅机会一定少过你开工。”
从访问中，感觉郭炜杰由头到尾最喜欢的是行山，经营全天候一为谋生，二是因为生意与行山有关。最不舍得全天候的什么？以为他可能会答回忆或者熟客，但他说：“人未死，冇最唔舍得，始终个兴趣仲喺度，系冇得卖嘢啫，一星期长长短短都会有两三日去行山。”
8月23日全天候结业后，郭炜杰不用被店舖困住，有更多空余时间行山，说不定他还更期待及开心。
旺角见不到，那就山上见吧！
全天候户外用品店基本资料
地址：旺角花园街79号1楼
营业时间：星期一至六13：00至21：00
结业日期：2023年8月23日
新手入门路跑鞋款式：
跑鞋推荐2023｜ASICS王牌慢跑鞋推新一代 六款减肥跑鞋新手必入
资深跑手实测鞋评：
跑鞋推荐2023｜ASICS New Balance等详细鞋评 冠军跑鞋最新上架
2023年7月跑鞋新款：
跑鞋推荐｜2023年7月新款：ASICS New Balance推王牌缓震及竞速鞋