做创作“重量不重质”反而更好？︱人生导演课︱冼振东专栏
创作班第一课，Billy叫我们在笔记簿上面“写字”。
“写乜都得，七分钟。无主题无限制，唯一规矩系：keep your pen moving。一停喺道谂就犯规，今堂就唔使再上嘞，下个礼拜先返来。understand？”
嗯，会不会是诈骗呢 ……
文：冼振东
七分钟之后。“又唔俾停又唔俾谂，搞到自己写咗堆垃圾出来，系咪？”Billy拿出一盒朱古力条，抽出一条来吃。“依家合埋本簿，唔好理𠮶堆‘垃圾’住。我想讲一个关于‘摄影班’嘅故事。”
还要故弄玄虚，伏味甚浓 ……
“喺一个摄影班嘅第一堂，教授将班入面嘅一半学生归入‘量组’，另一半就系‘质组’。‘量组’同学嘅成绩取决于交出来嘅功课数量，100张攞 “A”、90张攞 “B”、 80张攞 “C”，余此类推；‘质组’呢，只需要喺deadline之前交一张相就得嘞，不过如果要攞A，𠮶张相就一定要非常之出色。结果呢？出乎意料，最好嘅𠮶几张相都系来自‘量组’嘅。”*
“即系‘重量不重质’反而好啲？”有同学问。
“Exactly！”Billy咬著朱古力条：“由细到大全世界都要求我哋‘重质不重量’，尤其系我哋个个都俾考试制度操到要做出有质素嘅‘答案’。久而久之，我哋就样样嘢都左谂右谂，三思而后‘出’…… 系嘅，深思熟虑系做人做事嘅正确态度来嘅，但系创作唔系咁嘅啰。”
“即系有理无理，写咗出来先 … ”
【延伸阅读：舞台忘记台词勿“惊” 一招教你点拆︱人生导演课︱冼振东专栏】
“你哋依家打番开本笔记簿，望下𠮶堆‘垃圾’。”他顿了顿：“喺一定时间之内keep the pen moving，谂到咩就写咩，好多教写作嘅书叫呢个exercise做 “free writing”‘自由写作’，不过我觉得叫‘即兴写作’贴切啲。”
我们翻阅刚才所写的东西。他续道：“有无发现当中有一、两句嘢，甚至只系一、两个字系比较有feel呢？有feel到可以发展到一个古仔出来呢？”
嗯 …… 又真的有啊！
“记住，任何创作，有质素嘅成品都唔系‘作’出来而系‘改’出来嘅。如果我哋一开始就重‘质’而不停左思右想，甚至干等灵感，出来嘅成品都唔一定好（就好似摄影班嘅‘质’组同学嘅作品），重分分钟因为无时间改好啲而交唔出自己能力范围内最好嘅作品。”
“所以就要谂到咩写咩，再慢慢改？”
“无错。先重‘量’，才有足够材料去制造出‘质’。而更重要嘅系，唔俾谂系咁呕晒啲嘢出来，就无机会俾个脑去质疑自己，到头来一‘文’无成。”
哗！这个真的当头棒喝！老是重“质”，脑袋一定有声音不停质疑自己，最后什么也写不出来。
“嗱，人生在世有好多嘢可以做，点解一定要做艺术创作呢？因为我哋都有嘢想表达。咁想表达咪表达出来啰，点解创作又系一件咁难嘅事呢？因为我哋唔系想表达就表达得到，‘表达’系需要勇气嘅 …… 𠮶种最难嘅勇气，就系战胜自己嘅勇气。”
静默。
“唉，通常我讲完啲咁嘅嘢个头都会好痛 …… break一break先。”
*这个故事来自《原子习惯》（Atomic Habits）一书，第166-167页（James Clear 著，2019年，方智出版社）
（专栏“人生导演课”每月刊出，标题由编辑撰写，原题：“《重质不重量，一事无成》”。本文不代表艺文格物立场。）
作者简介｜冼振东，明爱华德中书院助理校长（演艺），深信戏剧能成就全人教育，致力栽培学生成为自己人生舞台的导演：“导好自己・演好人生！”