圣诞礼物有预算好难买?网购达人帮你拣 $300-$500礼物 男女都啱使
圣诞节正式进入倒数阶段，相信大家最近拣礼物都已经拣到如火如荼。不过人总是贪心的，既想礼物实用有心意，又要对方有惊喜，仲要唔好超出预算，要同时考虑晒三个因素简直系难过登天。不过正所遇钱解决到嘅问题就唔系问题，若然大家嘅预算比较松动，手持$300-$500，其实买大部分礼物都已经绰绰有余。之但系大家既然都耐心睇到呢度，小编相信未买礼物嘅你应该都仲系觉得好头痕，与其浪费时间盲中中去揾，不如就将呢个重任交畀专业嘅礼物网购师为你辨妥，即刻揿入以上影片，睇睇达人如何喺$300-$500内拣出礼物！
虽然话就话预算比较充裕，之但系小编都深明12月真系一个使钱如流水嘅月份，与其揜住个荷包流眼泪，倒不如买得精明啲，就算使钱都使得冇咁肉赤嘛，所以今次为大家拣嘅礼物全部系抵买之选，就算被框住喺有限嘅预算内，都可以买到超乎呢个价值嘅礼物，咁买嘅人又抵咗，收到嘅人都更加开心啦！
圣诞礼物入手小撇步：买之前记得入优惠码，咁先可以买得更抵！由12月11日开始，去到12月31日，只要大家揿入以下连结购买礼物满USD120(约HK$936)，结帐时输入优惠码【PCNSMZDM1219】，立即可以减USD20(即约HK$156)！
立即同大家重温一下网购师用 $300-$500拣咗咩心水礼物先！
Ultimate Ears Wonder Boom $390 (官方原价$849)
香港地相信都冇乜人唔钟意听歌，日又听，夜又听，自己一个嘅时候听，一班人一齐嘅时候都要听，几乎可以话系无音乐不欢，所以小编觉得送蓝牙喇叭就实冇死，尤其嚟紧有一大堆圣诞派对，一大班人一齐总要有音乐助下兴先够气氛㗎嘛。
Ultimate Ears 系蓝牙喇叭界之中都几出色有名嘅一个牌子，其中推出嘅Wonder Boom，外型细细，重量轻，加上仲有IPX7嘅防水功能，所以好多人都会带住佢上山下海，无论系去行山露营，去沙滩玩水，冲凉开concert，定系二人世界浸鸳鸯浴都一样咁方便好用。而佢仲有一个令到小编觉得不能不买佢嘅原因，就系每当两个喇叭放埋一齐嘅时候，佢哋就会自动连接，并形成双喇叭嘅效果，所以无论系几嘈嘅地方，都唔会惊话音乐声唔够大，用嚟睇戏嘅时候用，仲可以做到立体声咁，够晒过瘾有气氛。外面用又得，屋企用又得，几乎咩场合都用到，得咗，唔惊对方收到之后会觉得冇用啦。
Kiehl’s 深夜奇迹修复精华露 HK$469 (官方零售价HK$547)
时间系一个无情嘅杀手，尤其系喺香港呢个挨夜成性嘅地方，简直系将香港人嘅衰老速度两倍速speed up，所以保养真系要趁早，等到啲黑眼圈、皱纹出晒嚟就逆转唔到。如果对方成日都要OT挨夜，慢慢养成紧个大黑眼圈，不妨送佢一支精华液畀佢保养下。
Kiehl’s 深夜奇迹修复精华露可以话系Kiehl’s深藏不露嘅皇牌产品，100%以植物天然成分制成，包括有修复功效强嘅玫瑰果油，可以抑制发炎过敏嘅月见草油等等，瞓觉前用一滴仔，瞓觉嘅时候就可以滋润同修复皮肤，虽然质地近似于精华油，不过小编自己都亲测过，上咗皮肤后系绝对唔会油腻，而且用完之后嘅第二朝都仲保持到脸部皮肤嘅保湿度，皮肤望落系好健康同饱满，对轻熟嘅人嚟讲简直就系100%奇迹！
Crest 3D White 家用美白牙贴 HK$421 (官方原价HK$598)
咖啡同奶茶相信系好多香港人嘅 comfort drink，返工前整番杯提提神，3 点 3 又再嚟多杯放松下，一日几杯虽然并唔系咩问题，之不过饮得多就好容易令到牙齿变黄，而一旦变黄，就算系用美白牙膏都好难回复到原本咁白雪雪。如果你嘅朋友都有饮开咖啡或者茶呢类饮品嘅习惯，不如就送一套美白牙贴连蓝光机畀佢保养下！
Crest 系美国No.1嘅美白牙膏品牌，美国进口当然比其他杂唛牌子有保证。用法都好简单，只需要贴上美白牙贴，然后使用蓝光照一照就搞掂晒，只要keep住做一排，就可以维持到36个月嘅美白效果，好过花成千蚊出去做一次，又避免咗照牙时有啲人好怕嘅尴尬场面。有得白冇人会想黄嘅，绝对系实用之选！
Estee Lauder 微精华原生导入面膜 HK$429/10片 (官方原价HK$1100/12片)
送礼物最怕就系对方得物无所用，不过如果送嘅系消耗品就唔使惊对方用唔著啦，就好似面膜咁，一个礼拜要用两三次，一盒五块好快就用清光。不过以送礼物嚟讲，除咗平时常见嘅面膜套装，送专柜面膜都系一个唔错嘅选择，事关专柜面膜嘅价钱实在系太昂贵，自己真系未必舍得买㗎，你话如果有人送嘅话几好呢！
Estee Lauder呢个牌子可以话系保养界中嘅KOL，佢支微精华原生液仲被誉为轻熟女生最值得拥有嘅精华之一，而呢款面膜入面嘅微精华原生液更系2倍浓缩，除咗做到保湿锁水之余，最重要系可以剌激胶原蛋白再生，令皮肤变到好似18岁少女咁紧致饱满，啱晒贪靓嘅女生们！
Panasonic 黑头清除器 HK$298 (官方原价HK$498)
黑头问题困扰唔少男男女女，即使女生们做好多facial，都未必搞得掂脸上嘅万年黑头，更何况系平日鲜少护肤嘅男生们？既然人人都有黑头，就必定有清黑头嘅需要，一部清黑头机喺呢个时候就可以派上用场喇！
清黑头机其实并非只系做到清黑头咁简单，同时仲会吸埋油脂，死皮角质，以及脸上嘅污糟野例如化妆品嘅残留物出嚟，清洁之余亦可以提亮埋肤色，无论送礼嘅对象系男系女，系中年定少女都绝对要送佢一部看门口！
**提提大家，以上产品将之价钱由12月12日开始，买之前记得先注意一下！**
(产品资料以官方最新发布为准)
唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！
👉按此赞好《一网打尽》Facebook专页👈
👉按此进入Telegram优惠码发放区👈