【圣诞礼物推荐】圣诞节隐藏任务: 用礼物攻略另一半父母刷好感度

叮咚！你收到一则圣诞节隐藏任务：请于圣诞节拜访另一半的父母，送上礼物，提升对方对你的好感度！
𠵱家距离圣诞节只尚余半个多月嘅时间，大家嘅圣诞任务做成点呢？相信有唔少一百分恋人都已经为另一半拣好礼物，但你又有冇谂过，趁大时大节顺便攻略埋另一半嘅父母？事关呢啲节日完全就系顺理成章见家长嘅绝佳时机，喺节日嘅包装下，送礼物亦唔会显得突兀同心机重。Come on James，仲唔快啲睇埋以下攻略，快速刷出外父外母，老爷奶奶嘅好感度！

虽然未必对对父母都会过呢啲“西洋节日”，但正所谓“礼多人不怪”，无论系第一次去family party，定系已经同另一半嘅家庭friend过打band，都切忌两手空空走上门。不过唔好谂住带两梳蕉去就搞掂啊，皆因送礼都要送得啱，否则你就会堕入见家长嘅陷阱之中。

🔻圣诞攻略伯父伯母宜忌🔻

讲咗咁多，不过时间已经无多，点先可以快速攻略到伯父伯母？立即睇睇小编为大家整理嘅最佳礼物！

第一类：外地空运水果礼盒

圣诞见得家长多数都系喺family party呢啲场合上，呢个时候送水果可以话系非常实际，而又皆大欢喜嘅选择。不过唔代表你可以求其去百佳买两袋橙就走上门，最好嘅做法当然系选择返一啲嚟自外地嘅时令生果礼盒，外型大方得体之余，亦都畀两老见到你嘅诚意，最重要系好多长辈都未必舍得买贵水果食，少食就自然会有兴趣兼跃跃欲试啦！

不过上文都提到，有唔少上咗年纪嘅伯父伯母可能会有健康嘅隐忧，所以买水果时亦都要留意返长辈会唔会有糖尿病，从而选择适合嘅水果。以下两种水果礼物，都系由日本空运到港，比起平时喺街市买到嘅更多汁鲜甜，大家不妨买畀长辈试下。

日本熊本绿肉蜜瓜 HK$780/箱

日本青森县珍珠提子 (串提) HK$388/箱

第二类：酒

圣诞派对当然要饮番两杯助吓庆，送酒类礼盒可以派上用场之余，亦够大方得体，而且唔少伯父伯母都颇好杯中物，呢个时候陪佢地饮番两杯，增进感情就系话咁易！不过买之前当然都要摸清长辈嘅饮酒喜好，如果系平时少掂酒精，只系喺大时大节小酌两杯嘅长辈，不妨拣酒精度数相对较低，较温和易入口嘅梅酒或清酒；如果伯父伯母冇乜明确喜好，或者平时只系用嚟招呼一吓朋友，咁红酒或者威士忌亦系唔错嘅选择。

人头马特优香槟干邑礼盒装 HK$605

蝶矢 无糖天然梅酒HK$203

第三类：实用小家电

香港地大部分节日送礼都系以食物为主，送得多的确系冇乜新意。之不过圣诞不同于新年或者中秋，系一个可以搞搞新意思嘅节日，送一啲实用小家电畀长辈亦系一个贴心好选择。好多长辈本身对家电都有种“够用就得”嘅心态，而且亦都未必咁熟悉，不妨先探吓另一半嘅口风，再选择一啲可以提升到生活质素嘅小家电或用品畀两老，但注意，系小家电！事关大家电对空间要求高，都系留番畀主人家自己按需求入手啦！

无线控温养生壶就非常适合注重养生嘅长辈们，皆因呢部机嘅操作好简单，只需要揿吓几个掣，就可以轻松炮制到各种养生茶，加上有五种温度，以及4小时嘅保温功能，朝早泡一壶茶已经可以饮到半日，咁就再唔使喺天寒地冻嘅时候走落茶楼，都可以饮到暖笠笠嘅靓茶啦！啱晒各位冇茶不欢嘅长辈，同时又显示到你嘅贴心！

德国宝 - KTG120 无线控温养生壶 HK$799

第四类：养生汤券／现金券

虽然送礼金券相对嚟讲好似冇礼物咁富诚意，但事实系未必个个家庭都会搞圣诞聚会，如果另一半嘅屋企人只系打算简简单单出外食餐便饭，并冇特别嘅庆祝活动，咁不妨考虑送现金券呢一类礼物，作为见面时嘅小小心意。不过即使送现金券都记得要投其所好，务求伯父伯母用得著之余，亦要用得方便。而鸿福堂嘅汤券就系一个几有心思嘅选择喇！事关大部份老人家都钟意饮吓汤水，不过又未必咁有神心日日都会煲，送汤券就可以畀佢地偷下懒，但又可以饮到足料汤水，暧身又暖心！

鸿福堂自家汤套票 (1套10张) HK$398

(产品资料以官方最新发布为准)

唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！

👉按此赞好《一网打尽》Facebook专页👈

👉按此进入Telegram优惠码发放区👈