【职场攻心术】想要老细加你分？挑选圣诞礼物时三大重点要小心！

又到圣诞节，同事之间交换圣诞礼物都见惯不怪，但若果畀你抽中送礼对象竟然就系你老细😱 Oh My God！千万唔好以为自己系“黑仔王”！小编在此先恭喜你，皆因你抽中嘅正正就系一个大好机会！今次仲唔系你表现自己，留下100分印象畀老细嘅黄金机会？不过，唔好兴奋住！送礼物畀上司都有以下三大要点需要遵守，否则送错礼物，分分钟会成为同事之间茶余饭后嘅话题㗎。

📢注意！送礼畀老细之三大守则：

1. 投其所好

首先，想要表现自己诚意拳拳、心思细腻嘅一面的话，拣礼物必需要“投其所好”！譬如如果你上司热爱户外活动，你可以先缩小范围，集中挑选户外用品作为礼物。相反，若果你只顾住送一啲外表好睇但却又“唔等使”嘅礼物，对于收礼物嘅人嚟讲，只会觉得犹如鸡肋，食之无味，弃之可惜。

2. 中庸之道

其次，“中庸之道”指嘅系礼物嘅价钱。虽然送礼物畀上司系一个展示自己嘅机会，但系若果太注重要讨好老细，而选择太昂贵嘅礼物的话，随时一次过得罪两班人。第一，上司收到咁贵重嘅礼物，好可能会令佢觉得尴尬，造成心理负担。第二，同事们又会觉得你想上位想得太出面。唔想俾人标签为“擦鞋仔”，拣礼物记得唔好拣太贵，当然太廉价都唔好，最完美就系取得平衡。

3. 保持低调

如果你系发自内心地想答谢上司一年来对你嘅照顾，自发地想挑选圣诞礼物比上司，送礼物时​切记一定一定要保持低调。若果你贸贸然喺一众同事面前拎出礼物送畀上司，只会令到冇准备礼物嘅同事尴尬又难堪，而且俾人感觉只系你单纯地想博出位。如果可以的话，揾埋一班同事一齐夹钱买份大礼都系唔错嘅选择㗎。

睇完以上重点，但都未谂到送咩礼物畀老细好？唔紧要！小编精挑细选咗以下四款圣诞礼物，啱晒办公室一族，男女都适用。

1. 【BEURER】LA 20 USB 幻彩香薰机 HK$229（原价HK$458）

办公室长期都唔开窗，空气又唔流通。每到春天潮湿季节，房间都会又湿又臭，小型香薰机放喺Office就Fit晒喇！空气之中弥漫住淡淡嘅香味，心情自然都会豁然开朗。若果老细Keep住心情靓靓，咁发脾气嘅机会率又低啲喇✌～

2.【鸿福堂】 自家汤套票 (1套10张) (加送 鸿福堂$20礼券) $398

如果你老细非常注重养生之道，又钟意饮下汤水，呢个自家汤套票就啱晒佢喇！试谂下，日日都要返工，放工又要OT，仲边有时间亲自下厨煲汤饮呢？如果想要再Warm啲，周不时你仲可以自动请缨帮老细去换领汤包，然后直接送到佢面前。所以话，拣呢份礼物绝对系长期战略，以后就有大把机会为老细服务！

接下来介绍呢 2 件圣诞礼物价格较为昂贵，建议可以揾多几位同事一齐夹钱买。✌

3.【AirVita】Capsule 400 Pro 家用负离子空气净化机 $650

办公室人多地小，假若遇上流感高峰期，基本上只要有一个同事病就会一传十十传百，最后全部同事就病埋一份。唔想齐齐“揽炒”？空气净化机就帮到手喇！不过，一般市面上嘅空气净化机都又大部又重，买完都唔知点样擡返公司。

而呢部来自韩国嘅AirVita Capsule 400 Pro就最适合放喺办公室使用，事关佢体积细小，只有手掌左右咁大。只要插入插座就即刻瞬间启动，可以有效净化空气、除臭以及杀灭各种细菌，例如流感(H5N1，H3N2)、金黄葡萄球菌、大肠杆菌、沙门氏菌、肺炎链球菌等等，老细收到之后一定会觉得你心思非常细腻又贴心。

4. 【Amazon】Kindle Paperwhite4 2018 8GB 电子阅读器 第十代 $785

细心回想一下，你老细房间系咪放满各式各样嘅书籍？如果你老细都有阅读嘅习惯，Kindle电子书佢收到后一定会倍感惊喜。皆因有咗电子书，以后想睇咩书都可以即时上网下载，唔使再扛住几本又重又厚嘅书出门口。而且如果老细成日都要飞去其它地方出差，有本电子书喺手又可以消磨时间，一举两得。

今个圣诞节，想要老细加你印象分？送礼时，谨记以上三大重点喇！

职场生涯唔容易，共勉之。😭💪

(产品资料以官方最新发布为准)

唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！

👉按此赞好《一网打尽》Facebook专页👈

👉按此进入Telegram优惠码发放区👈