交换礼物大难题!同事礼物点拣好?5样实用礼物令同事对你另眼相看

传闻喺每个职场嘅交换礼物派对入面，都有三个绝不能提的名字，佢地就系史称“绝交三宝”嘅水杯、润手霜，以及相架，而每当越系接近圣诞，佢地出现嘅机率就会越嚟越高，真系令闻者伤心，收礼者流泪 😭😭😭 身为打工仔嘅你，系咪都苦恼紧买乜礼物好？虽则时间无多，但大家唔系又抱住侥幸嘅心态，谂住临急抱佛脚送“绝交三宝”吓嘛？唔想成为同事间茶余饭后嘅话题，就要停一停，谂一谂，睇一睇小编为你准备嘅送礼清单，拣好再入手！

经过小编嘅不专业统计，发现伏礼往往都出现同事间嘅交换礼物环节之上，事关多数公司都会以随机方式交换礼物，喺完全唔知道收礼人系边个嘅时候，要谂买乜礼物就简直好比叫老细加人工一样咁高难度！

不过大家都唔使咁崩溃嘅，只要遵循以下嘅小贴士，小编包保你喺盲送嘅情况之下都唔会踩雷。

职场交换礼物潜规则（适用于随机交换礼物）

时间关系，小编已经为大家搜刮咗几款男女通用，而又适合同事间交换嘅礼物，唔踩雷之余，随时仲不败反胜，令同事对你嘅眼光另眼相看！

肩颈椎按摩器 ¥198

返工一坐就坐成日，要长时间对住电脑之余，又要不时低头处理文件，真系令到颈椎背脊掹掹紧，唔适时伸展仲随时会落下一大堆颈椎毛病，不过身为一个职场小薯仔，又边有咁多时间同自由走出去做伸展运动。送个肩颈椎按摩器畀同事就方便得多喇，只需将按摩器放喺颈上，再选择唔同力度嘅按摩模式，或者热敷嘅方式，放松到肩颈肌肉，最紧要系呢个按摩器使用嘅时候分贝极低，外型又轻巧，包保唔会嘈亲同事，亦唔会引起老细嘅注意！

QI 无线充电器  ¥105

返工最怕就系老细急call，一时又要开会，一时又要出去见客，要行出行入两头腾都算，仲怕就系忙到唔记得又冇时间充电，搞到miss咗老细嘅call就真系水洗都唔清，冇理由话因为电话冇电㗎嘛，小编都唔信，更何况系老细？所以呢个QI 无线充电器就非常适合各位打工仔，平时就将电话摆上充电板度，由得佢自动充电，当要行去开会时，随时拎起电话就已经走得，开完会出嚟就将电话放番喺充电板上，省却咗插线呢个步骤，就算要行出行入都超级方便。计小编话，唔止要买嚟送畀同事，就连自己都要买埋一份𠻹呀。

Jabra Move Wireless Style Edition HK$289

办公室呢个空间系有种神奇嘅力量，无论你系有嘢做定冇嘢做都好，都难免会有种好枯燥乏味嘅感觉，所以有唔少打工仔都会一边做嘢一边听歌，用音乐嚟调剂一下烦闷嘅心情，同埋听下歌时间真系会过得快好多，所以抽到耳机嘅同事就有福了！就算工作时候未必可以听歌都好，都可以喺lunch time嘅时候用嚟隔绝（老细）声音，补一补眠，或者拎返屋企用一样得，完全唔怕对方得物无所用。

桌上型快速饮品冷暖器 ¥238

返工一返就返成9个钟，做嘢嘅时候唔饮嘢食嘢，时间真系好难过，不过公司咁多人，pantry往往就得一个，真系够你用定够我用？不过𠵱家科技发达，好多嘢唔一定要去pantry先可以做到嘅，无论系想饮冰冻嘅可乐，定系热辣辣嘅咖啡，都一样可以喺自己个位上搞得掂。送呢部智能冷暖机畀同事，就等同送咗个雪柜同暖柜畀佢一样，只要将饮品放入去，就可以调较温度，快速冷冻或者快速助热饮品，做嘢做到攰攰地，即刻饮番杯冰冻果汁都咪话唔醒神！

PANOCLIP IPHONE 360°全景镜头 HK$279

好多打工仔返工日chur夜chur，一有时间当然就会想请番个长假去转旅行。送个360°全景镜头畀同事，等佢记录低沿途嘅风景都就够晒贴心。考虑到未必人人都对摄影有研究，所以呢个镜头嘅操作系非常简单易用，只需要将镜头夹上手机，就算冇高超嘅摄影技巧都一样影得到完美嘅360°相片。当然唔止简单啦，除咗旅行用得，呢个镜头更加系公司派对聚会嘅必备神器，以后影大合照就唔使左摄右摄，不停就位，都可以将所有人影晒入镜，到时换完礼物即拆即用都有得谂！

介绍咗咁多，唔知有冇边样击中咗大家嘅心呢？其实大家只要抱住一种将心比己嘅心态拣礼物，相信唔会送出伏礼之余，分分钟仲可以收到自己心水嘅礼物𠻹！

(产品资料以官方最新发布为准)

唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！

👉按此赞好《一网打尽》Facebook专页👈

👉按此进入Telegram优惠码发放区👈