【海外网购攻略】国际集运懒人包 一文睇晒7间集运公司价钱+比较

感恩节对美国人嚟讲系家庭共聚嘅大节日，而感恩节翌日嘅Black Friday，喺购物狂眼中同样系一“大折日”，几乎所有外国各大商家同品牌都会趁呢个时候倾巢而出，减价嘅减价，清货嘅清货。之不过不同于双十一，Black Friday嘅折扣主要集中喺外国商家，如果对方冇提供直送香港服务，或者想买得更划算，咁我地就需要借助到集运公司。以下就由小编教教大家点样国际集运，再整合埋多间集运公司嘅收费资讯，齐齐做足准备，迎战Black Friday！

假若阁下系资深网购迷，周不时有买开淘宝，咁海外集运对你嚟讲应该都冇乜问题，事关步骤同淘宝有九成相似，不过若然冇乜相关经验，就记得要先睇睇以下集运步骤，确保万无一失！

🔻国际转运五部曲🔻

Step 1：拣好一间心水嘅国际集运公司，注册成为会员，并取得集运公司海外仓库地址

Step 2：喺海外网站购物时，于送货地址一栏填上海外仓库地址、并填好其他所需资料

Step 3：商品发货后，商家会用电邮或其他方式通知你速递公司、运单号码等资料

Step 4：登入集运公司网站，填上相关速递公司及运单号码等资料

Step 5：商品到达海外仓库后，拣好你想集运嘅货件、转运方式、付款方式，然后填上自己电话、香港收货地址等等嘅资料

咁就搞掂好晒，坐定定等收货！不过𠵱家市面上咁多集运公司，各个收费都唔同，净系第一步拣公司都拣到头都大埋，边间最平？边间最快？边间又最稳阵？以下就为大家整合一下各间集运公司嘅收费、取货方法同速递时长，方便大家睇𩠌食饭，拣间最啱自己嘅集运！

【DimBuy】

DimBuy嘅运费相对较贵，但胜在自取点够多，有部分自取点更系24小时开放，攞货时间弹性，付款方式亦比较方便，而且不时会推出优惠同活动，除咗积分奖赏计划，登记成新会员亦送2次$5国内集运现金券及$20国际转运现金券。

【Buyandship】

Buyandship 提供多达9个国家及地区嘅国际转运服务，自提点亦算多及方便，最特别之处在于有同“亚洲万里通”合作，集运嘅同时可以顺便储埋飞行哩数。小编睇匀咁多间，觉得呢间嘅网站比较全面，操作方便，而资料亦够晒详尽。

【4PX】

4PX递四方本身己经系一间速递公司，而旗下嘅hk.4px.com就主力提供全球转运服务，物流方面会相对完善同专业，比较特别嘅地方系有提供少有嘅德国及加拿大转运。

【BUYUP】

BUYUP嘅运费最平，自提点亦算多，其中合作门市自提点大部分都系小型商场入面，方便到屋苑及屋邨住客，不过BUYUP只提供美、日、台嘅集运服务，地点较少，而且物流时间亦较长。

【SHIPBAO】

自取运费最平，不过要注意首重$15(磅) 只限于SHIPBAO 自提点，其他自提点如7-11及FedEx收费会有唔同。值得一提系SHIPBAO国际转运点系最多，多达11个国家，亦有提供较少见嘅法国转运服务。不过而物流时间相比其他公司会长少少。

【GOBUYSHIP】

美国转运服务自取收费第二平，亦同样有少见嘅法国、意大利转运服务，不过自提点相对较其他公司少，亦冇提供智能柜自取。

【买+易 buyippee】

虽然buyippee嘅美国转运时间相对较快，但整体运费较其他公司贵，因为每单集运都需要收取$20手续费，而送货上门亦要另加$50，相对嚟讲冇咁划算。

睇匀以上咁多间集运，小编个人会推荐Dimbuy、Buyandship及SHIPBAO。如果讲求自取方便，可以选择Dimbuy，重视整体体验及口碑可以选择Buyandship，而SHIPBAO则系最划算之选！

不过小编提提大家，送递上门嘅最终费用视乎收货地址而定，工商业区及非工商业区多数收费不一，而偏远地区或需另加手续费，如果想计算最终费用，可先用集运公司网站上嘅计算器计算，而自取亦需注意逾期存仓费用。

学识国际集运之后，无论系Black Friday定平时网购都冇难度啦！

(以上资料以官方最新发布为准)

唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！

👉按此赞好《一网打尽》Facebook专页👈

👉按此进入Telegram优惠码发放区👈