【唔做送礼勤】氹得女朋友开开心心! $1000以内大热名牌ITEM之选!
每年嘅大时大节相信都系男人们最头痕嘅日子，年头有情人节、年尾就圣诞节、仲未计纪念日、生日……数数手指，一年随时要送四次礼物咁多，有时真系谂爆头都未谂到送乜好！就算今次送得啱，下次都唔担保一样取得女朋友欢心，唔想命仔危危乎究竟可以点做？行动前不如睇睇女小编嘅送礼小建议，随时拯救各位巴打免于水深火热！
虽然送礼系讲心唔讲金，但老实讲名牌又有边个会唔钟意？尤其系女仔，有啲非必需品虽然未必需要用到名牌，但偏偏又会好想要，而女仔又往往未必舍得自己花钱买，如果有人送成件事就即刻fit晒喇！
以下就为巴打们介绍3个中低价位嘅牌子，以及值得入手嘅item，相信十个女仔至少有九个都听过，甚至系已经bookmarked咗好耐但迟迟都唔舍得买！
Christian Louboutin 唇部彩妆 HK$597起
Christian Louboutin 绝对系每个女人心目中嘅dream brand，即使买唔起佢嘅招牌红底鞋，至少都要拥有佢嘅化妆品！Christian Louboutin嘅唇膏自推出以来一直话题性极高，皆因唇膏嘅造型系以红底鞋作为设计灵感，风格奢华高贵又浮夸，加上有36种颜色及3种质地，质素之高，就连口红一哥李佳琦都不禁称佢为“口红中的劳斯莱斯”！所以话，男朋友们你地送紧嘅其实并非系一支唇膏咁简单，更系一件艺术品！
如果实际啲嚟睇，Christian Louboutin嘅唇膏其实系比一般专柜唇膏，例如Chanel、Tomford仲要贵，对于爱买唇膏嘅女生们嚟讲，一支随时抵两支，就算几钟意都好，都真系好唔舍得买㗎～
MARC JACOBS Snapshot 卡片套 HK$791起
MARC JACOBS Snapshot 相机包系今年大热嘅入门级手袋款式，唔止潮人同小资女人手一个，更系一众时尚名人同明星私下都会揹嘅爱包，不过由于相机包颜色款式众多，唔想买错嘅都系留番畀女朋友自己拣啦～送同系列嘅卡片包都系唔错嘅选择，大大个立体logo，配合同色系嘅配色，贯彻返相机包一贯风格，加上有两个卡片位、一个照片夹，连同拉链散银包，容量都已经足够日常所需。如果女朋友揹开细袋仔，不妨送呢个卡片套畀佢，证明你平时有细心留意佢嘅衣着，仲唔即刻加晒分！
TORY BURCH 饰物 HK$499起
首饰对女仔嚟讲有多重意义，除咗实际上用嚟衬衫，往往仲系象征住情侣之间嘅爱情，所以送首饰畀女朋友几乎都唔会点出错。Tory Burch 呢个牌子一向都受唔少OL同小资女欢迎，建议男朋友们可以选择以logo为主，再加上珍珠或碎镄仔点缀嘅款式，简约低调之中又带有少少贵气，保证穿戴率极高！
不过正所谓“钻石与黄金，都唔及我一片真诚与真心”，名牌虽然更容易取得女朋友欢心，但最紧要都系细心留意女朋友平时嘅暗示，再配合你精心挑选嘅礼物，咁就绝对万无一失！
最后记得做多一步，经《一网打尽》入手礼物，咁就可以顺便赚埋网购回赠积分，积分又可以用嚟换戏飞，到时拍拖活动又有着落喇！
(产品资料以最新官方发布为准)
唔想错过任何网购限时优惠？立即 Like 《一网打尽》Facebook专页同加入Telegram Group啦！你仲可以拎到独家优惠码及礼品𠻹！