网购攻略
新婚床上用品推荐 打造甜美爱巢！ 新婚床铺去边买？
撰文： 凑女老窦
出版：更新：
连续两日同大家介绍咗网上抵买嘅新婚用品，今日再接再厉讲吓新婚床上用品喇。
欧式纯棉贡缎提花四件套全棉床单新婚绸缎被套 (¥138起)
喺网上云云众多新婚被铺入面，哩款真系少有地令小编眼前一亮。先讲价钱，全部跟尺寸大小嚟定，相同大小就一样价，全部都系200蚊内有交易。不过平价唔代表质素差㖞。款式走欧洲贵族风仲足足有41款各式各样嘅花纹，各自又有5个尺寸咁多选择。物料用全绵，仲做埋防尘螨防静电处理，靓得嚟又用得舒服。仲送埋同花纹嘅枕头套，绝对值得一推！
+2
结婚大红色喜婚庆4四件套 (¥78起)
哩款被套就走中国风，不过系卡通中国风！系咪听到都觉得盏鬼呢？佢啲公仔图案真系好得意又甜蜜，唔同款式都各自有个好听又有意头嘅名，好似“钟爱一生”、“相亲相爱”、“三生三世”等等。一套除咗有一张床单、一个被套、两个枕头套，仲送多对卡通得意抱枕或者枕头芯。价钱仲要100人仔内搅得掂，认真抵到烂。
+3
夏季薄款冰丝绸结婚睡衣新婚情侣套装 (领券价¥143)
铺好床，梗系要衬埋套睡衣喇。第一款就贵少少，不过净系睇个用料，就知个价钱用晒喺啲料到，个设计系送嘅。彷真丝绸嘅睡衣仲要系情侣款衬到绝，真系好少有。有全红之外仲有金色龙鳯刺绣花纹，着上身真系成个皇帝皇后咁，气派非凡。仲有得加35蚊订定文字或都图案绣上件衫度，服务认真贴心呀。
长袖丝绸秋喜庆大红色男女家居服套装 (领券价¥120/2套)
小编都知唔系个个都需要咁气势磅礡嘅睡衣，咁以下介绍一套啱晒所有人㗎喇。先讲重点，价钱。男女各一套，两套加埋都系128人仔，仲有得送到落嚟香港，唔使搞集运。款式多达41种，有贵气、有卡通、有搅鬼、有纯色、有简洁，总之梗有一款可以满足到你！
(产品资料以官方最新发布为准)(文章纯属作者个人意见，不代表香港01立场。)