婚纱都可以网购吗？为你精心挑选多款高质婚纱 收藏一套作纪念品
寻日小编就同大家讲咗结婚最重要嘅戒指啦，相信去边度揾到又平又高质嘅戒指大家都心中有数喇。今日就将镜头由新娘身上最细件但最重要嘅戒指，转到新娘身上最大件但同样重要嘅婚纱喇。
讲起婚纱，好多香港人都打算租，原因不外乎贵同埋好少机会着又要揾地方摆。不过原来网上系可以揾到啲婚纱，买比租仲平。而且喺呢个一生人得一次嘅美妙回忆，留念嘅物品绝对唔会厌少。摆喺屋企唔开心嘅时候攞番出嚟着，喺块镜面前转番几个圈，当堂人都开心番晒喇。
1. 拖尾奢华森系简约一字膊轻主婚纱礼服 领券价¥288
呢条一字膊简简单单，不过仙气十足。普普通通喺香港租都一千几百喇，𠵱家呢条就只系卖紧两百几，仲送埋头纱、手套、裙撑。如果有需要的话，加多20蚊人仔仲有埋戒指、手链、颈链、耳环；加多50蚊变拖尾裙。当然20蚊饰品嘅质素就麻麻啦，所以如果自己有饰品嘅就唔使加呢20蚊喇。之但系50蚊反而值得加，因为拖尾款都真系靓好多，大家可以睇相比较吓。
2. 白色抹胸简约韩式奢华森系婚纱 领券价¥311
呢款裙其实同上面差唔多，一样有得加50蚊转拖尾。咁点解小编要摆埋上嚟？其实系源于小小私心：因为呢条裙有得拣香槟金色呀！小编一直以嚟都系香槟金控，估唔到摆上婚纱会别有一留格调，成个感觉高贵大方，雍容华贵。呢款裙一律送晒头纱、手套、裙撑同埋4件饰品。胸口以多层次设计，望落似一朵含苞待放嘅花，含蓄得嚟又撩人同时又不失优雅，简直冇得输呀。另外，提醒一句，香槟金会比白色贵20蚊，之但系……shut up and take my money！
3. 韩式一字膊简约森系梦幻轻婚纱礼服 领券价¥213
各位结婚又唔想减肥减肚腩嘅人准新娘有福喇！嗱，个裙款虽然话系设计畀孕妇着嘅，不过咁谂，如果连孕妇个肚都遮到，你个小小肚腩仔系咪可以遮到天衣无缝先？讲番条裙，有分中腰同高腰款，价钱一样，睇自己需求喇。如果个肚真系太出，就拣番高腰稳阵。基本一样系送头纱、手套、裙撑，要埋其他饰品一样系加少少钱，唯一特别啲就系有埋皇冠，其他种类太多就唔详细讲喇，有兴趣自己入店睇吓喇。颜色方面有白同红，两只都系华人婚礼常用色，啱晒用㗎啦。另外，领口位用蕾丝设计，整体嚟讲好韩式，合晒𠵱家嘅韩流呀！
(产品资料以官方最新发布为准)(文章纯属作者个人意见，不代表香港01立场。)