网购衫裤鞋物Size要点拣?

有时上网买衣物经常遇到嘅一个烦恼就喺，到底Size要点拣？？？喺冇得试上身试上脚嘅情况下，究竟可以点样精准拣岩自己嘅Size？今日就等网购达人教你几个小Tips助你解决烦恼！！

衣服：

喺产品页面嘅“宝贝详细”中，大部份都可以揾到详细嘅衣物尺寸资料。资料一般包含衣长﹑肩宽﹑胸围﹑腰围等，大部份都以厘米(cm)显示。咁样你就可以度下自己嘅尺寸，睇下适合边个尺码喇。

【618淘宝Mid-Year Sales】 限时优惠，必抢红包，立即按此连结去逛逛！

细心嘅商家仲会比埋建议穿著嘅体重或者身高作参考。以呢件衫为例，例如体重80-90斤的话，就建议著S码。

另外，有啲店舖都会列出试著Model嘅身高﹑体重﹑三围，同埋穿著嘅尺码作参考。

鞋：

鞋可以根据码数﹑cm去参考，但系唔同鞋款，例如波鞋同高踭鞋嘅size都会有分别。所以用cm去考量基本上喺会准啲！波鞋一般会预松少少，因为要著袜；而高踭鞋﹑凉鞋等等就要啱啱好贴脚先好睇。建议可以揾返自己著开嘅鞋，去睇返佢嘅鞋长，咁就可方便参考知道咩size啱自己著啦。

裤：

裤嘅尺码就分得更仔细，一般包括腰围﹑臀围﹑大腿围﹑脚口围﹑裤长等等。量度好自己合适嘅size后，你仲可以参考裤嘅物料，例如厚度﹑弹性等等。如果喺比较有弹性嘅物料，咁就可以选择一个较贴身啱啱好嘅size喇。

最后，睇商品嘅买家评论都好重要㗎！好多买家都会分享自己嘅网购经验，可能会建议其他买家点样选购size, 例如有时鞋嘅尺码可能偏松或偏细。买家可能都会分享呢啲有关嘅意见，所以呢啲实用嘅评论都好值得参考吓。