精选MaBelle结婚对戒 与另一伴携手踏入新阶段

结婚对于好多人嚟讲庄严而神圣，每一个环节都想做到最好，令自己呢个一生人一次嘅大事唔好留有任何遗憾。不过现实嚟讲，钱真系有限，而结得婚好多人仲要储钱买楼，负担真系十分之重。所以嚟紧一连三日小编就会以结合自身经验同网上最新资讯，同大家分享吓点样透过网上购物，以低价钱买高质婚嫁用品，令各位资源有限嘅读者，可以甜甜蜜蜜拉埋天窗同时唔伤荷包。

讲起结婚，好多人第一时间当然会谂起戒指喇。咁小编今日就当仁不让同大家讲吓网上边到可以揾到便宜得黎又高质嘅结婚对戒。结婚对戒同求婚戒指唔同，求婚戒只系买一只，而且只系戴一段短时间；相反，结婚对戒要衬晒男女款，仲要长时间戴住，所以除咗男女戒都要靓之外，仲一定要戴得舒服。

MaBelle 永恒桔梗 18K白色黄金结婚对戒 ($4,399 一对)

哩款对戒简简单单咁用单颗圆形钻石，望落简洁漂亮，中间仲有条凹凸位，令佢不至平凡无奇。其实佢个名永恒桔梗系同采用单钻嘅设计有关联，因为洋桔梗嘅花语就正正系真诚不变嘅爱。喻意夫妻定必永远对彼此忠诚、长相厮守。讲番最重要嘅价钱，因为做紧限时优惠，四千几蚊一对有晒男戒女戒，我第一次听到都难以致信，因为始终MaBelle哩个牌子都几有知名度。担心唔知尺寸嘅仲可以落门市试完再上网落单，真系冇得输。

👉按此购买👈

MaBelle 橄榄情缘 18K/750白色黄金钻石镶嵌结婚对戒 ($5,399 一对)

对比起前款，橄榄情缘虽然贵少少，但佢嘅巧思绝对会令你大呼值得。就如其名，佢嘅外观就好似橄榄头冠咁，即系成日喺希腊神话见到啲神戴住𠮶顶，原来系雅典娜智慧女神赐予嘅，象征准备长相厮守嘅两人承诺一生一世系明智嘅抉择。而佢粒钻反而藏咗喺指环入面，哩个亦系我觉得最盏鬼嘅地方。啱晒啲低调嘅人，唔使吓吓扬粒钻石出嚟俾人睇。不过你可能同小编一样有个疑惑，粒石喺入面唔会哽住只手唔舒服咩？小编特登走咗落去门市试，发现原来唔会有感觉，认真神奇呀。

👉按此购买👈

MaBelle Love Circles 925纯银情侣戒指项链套装  ($2,298 一对)

小编发现，原来宜家越来越多人唔钟意戴戒指，可能系因为皮肤敏感，亦可能只系唔习惯戴住饰物系手。如果你系哩类人，戒指颈链绝对可以迎合到你嘅需求，尤其系哩款Love Circles。两只戒指系婚礼当日戴完之后，可以变身为颈链，好啱啲唔钟意戴戒指嘅人，纯银材料仲包保唔会敏感。两只戒子一黑一红，形状一样，加埋粒黑钻，型格十足。价钱仲十分实惠，只系二千几蚊有齐一对，真系唔知仲可以去边度揾。

👉按此购买👈

小编今日介绍嘅三款戒介都有限时优惠，如果唔想错过买贵货嘅就捉紧时间立即行动喇。

(产品资料以官方最新发布为准)(文章纯属作者个人意见，不代表香港01立场。)