【运动内幕】健身中心教练系笋工？跑唔够数返14个钟、冇得掂铁

“小姐，你觉唔觉得你膝头有啲内旋，仲有高低盘骨㖞！坐得耐系咪腰会攰？踎低起身系咪见头晕？点解呀，肌肉量不足啰！跑步姿势唔正确，你知唔知你嘥紧自己时间？”
Ivan（化名）苦笑道，要“引诱”客人签单，离不开膝头内外旋、高低盘骨、骨架歪了，“冇人系正常㗎㖞！一定有位入。就好似你永远用职业赛车手标准，衡量一个普通司机，咁冇人识揸车啦！”Ivan起初以为当健身教练，可以边上班边做运动，闲时提起哑铃举举都够开心。谁知经理下令，数跑不够，谁也不准碰身边的“铁”。返工返到精神崩溃，他几乎晚晚发梦在健身中心徘徊，发开口梦大叫“高低骨盘”、“脊椎侧弯”……

做咗差不多半年，跑唔够数就返足14个钟，不断俾经理闹。我到呢家都成日发梦喺公司徘徊，寻晚发梦喺公司sell客，发开口梦大叫“你过嚟吖，过嚟呀！”不断讲round shoulder、高低骨盘、脊椎侧弯。

每天回到公司，拿起卡放入打卡机，随即响起清脆的音乐声——bling ling、bling ling……一张薄薄的打卡纸，却如千斤重。“好有压迫感，一听到（音乐）就惊。”Ivan说。上班近半年，健身中心犹如一头庞大鲨鱼，把这个阳光男孩的灵魂吞噬了。“我呢家心理好唔平衡，我觉得自己黐哂线呀。做咗差不多半年，跑唔够数就返足14个钟，不断俾经理闹。我到呢家都成日发梦喺公司徘徊，寻晚发梦喺公司sell客，发开口梦大叫‘你过嚟吖，过嚟呀！’不断讲round shoulder、高低骨盘、脊椎侧弯。成日梦到‘all PT go to staff room’（所有私人教练到职员室），我哋入完staff room，你哋（客）个个都唔使走！见到边个跑步跑得衰啲，你就惨喇！”

教练有“阶级”之分

Ivan是90后，当健身教练前，是个返office的白领。从前的上班时间一样长，话就话朝九晚六，但加班是常识吧！“到放工都冇时间做运动。一来钟意健身，又钟意教人，二来想悭时间，想返工当做运动。听朋友讲，做教练人工都ok，包薪两万，系呀几好……头六个月啰！哈哈，你话死唔死！”

半年之后，教练的底薪会由20,000降至3000元，“到数”（即跑够数）则多3000元，另加勤工奖1000元，行内俗称为“331”。何谓“到数”？Ivan指，人人的指标都不同，有人要跑几万，有人要跑十几万，而他现在需跑40,000元，因为仍然在“包薪”阶段，因此跑不够，最多被经理疲劳轰炸。但不久之后，他就要靠佣金维生，而佣金当中，亦有等级之分。然而等级并不反映教练的教授技巧，而是反映销售额。

将进入“331”苦海，Ivan大约每张单能分到一成佣金，即一张4,000元的单，他就能分到400元。愈高级数的健身教练所得的拆帐比例愈高。首半年“包薪”两万的他，不用为稻粱谋而㓥客吧？Ivan却苦笑，经理会这样跟他计数：“当你3000蚊系底，3000蚊到数，1000蚊勤工，夹埋有7000蚊，即系有13,000蚊佣啦！咁你帮我跑12万返嚟！”

见过有人肠胃炎瞓咗喺职员室，疴呕咗成晚都要返工；有同事失声讲唔到嘢，仲要打电话约客。经理话：“我唔相信有人真系会病到返唔到工。”

为拿勤工奖：肠胃炎照返工

至于要拿到1000元勤工奖，就是要做铁人。“唔迟到唔请假，我冇见过人请病假。见过有人肠胃炎瞓咗喺职员室，疴呕咗成晚都要返工；有同事失声讲唔到嘢，仲要打电话约客。经理话：‘我唔相信有人真系会病到返唔到工。’”

原本希望返工可以强身健体，谁知做健身教练愈做愈亏。“呢家瘦过以前呀！冇时间做运动，压力大就释放皮质醇，就会消耗肌肉。你谂下，一路举住哑铃，听到广播话attention please，all PT go to staff room，哑铃都未放低，个心就跳咗出嚟，仆街喇！行喇！”

健身教练原意是辅助学员强健体，以正确姿势做运动，以免做错姿势反而伤身；制定运动目标及检讨运动成效。然而，Ivan觉得在“大场”（即连锁健身中心）做，无可避免被挤压到满脑子只思考怎样“到数”，他说：“大场收费平过康文署，一定系靠客买钟。”只要bling ling打了卡，跟任何客人沟通都只为哄客人把信用卡掏出来。

望住客个样，个样系识讲粗口，想叫我行L开。喺大场揾四五万蚊一个月（的教练）系有，死咗好多冇人见到啫！

Sell嘢sell到客人“爆炸”

有次一个客人在跑步机跑步，经理叫他走过去翻看其锁匙牌，借以找机会推销，他跟经理说：“个客爆炸啦㖞！会报警。”“爆炸”亦为行内术语，即客人曾经被sell到发火，教练会记录下来。但经理却说：“佢上次爆炸唔代表今次爆炸，你点知佢今日心情系咪好好，或者一行埋去就签单？”Ivan唯有硬著头皮走过去，客人随即火烧心，跟他展开骂战。Ivan无奈道：“我𠮶时心谂，你闹我好过我俾上面闹，条友对住我12个钟，你最多跑两个钟。经理话，冇一个客入嚟系冇钱，起码都有几千蚊join会籍，系你冇办法令佢拿钱出嚟，咁就系你问题。”

又试过有PT想去洗手间，恰巧走进一个正在跑步的女士的视线范围，那女士立即“爆炸”：“我叫咗你唔好阻住我，我只系想嚟跑步咋！”客人被“骚扰”的次数可想而知。

Ivan自觉返工返到神憎鬼厌，“望住客个样，个样系识讲粗口，想叫我行L开。”他续叹道：“喺大场揾四五万蚊一个月（的教练）系有，死咗好多冇人见到啫！”

Personal trainer（PT）跑数压力大，会影响其专业。

体育系教授：“卖钟”过多影响专业

香港浸会大学体育学系系主任钟伯光教授表示：“Personal trainer（PT）跑数压力大，会影响其专业。因为PT的专业是帮顾客锻炼身体，如果责任系跑数，只看营业额，就会想尽办法收最多学生，要你一日要entertaint（娱乐）十几二十个学生，变相overload（超负荷）自己，精神状态不好，服务一定差。”他又指，香港租金昂贵，健身中心唯有“各出其谋”，增加营业额。他又以美国作对比，美国相对上尊重专业，不会让健身教练“卖钟”过多。