【许仕仁贪案】郭炳江准保释候终审：“阿妈，我返咗嚟”

前政务司长许仕仁与新地前联席主席郭炳江的贪污案，上诉庭早前驳回四名被告的上诉。终审法院今日决定受理各人申请，案件会于明年5月9日审理。法官批准郭炳江以1,000万元现金保释外出，等候上诉，其余上诉人则须继续还柙。郭炳江表示多谢家人同事支持，指自己在狱中体会生命宝贵。

郭炳江约于下午2时19分保释外出，其子郭基𪸩跟新地员工在外守候时，难掩紧张，紧合双手站在门口。郭基𪸩坦言“要看来稳重点”迎接父亲，庭外则有半百记者等候。

郭基𪸩甫见父亲步出法院，送上一个大拥抱。郭炳江表示，在18个月还柙期间，“好多谢家人同事支持，觉得好感动”。郭炳江坦言“唔信自己喺呢度”，一年半过去暂别监牢，要与母亲邝肖卿说句“阿妈，我返咗嚟”。

郭炳江续形容当下的心情是“ Can't control myself, so excited”，被问到对事件有何体会，他指“生命中丧失咗啲嘢，先知道生命好宝贵，系神嘅祝福。”

郭炳江离开上车时，一度受半百记者挤拥，而儿子郭基𪸩被排挤在后，须呼喊才得让路上车。

许仕仁被指在2005年上任政务司长前后，从新地收取850万元及1,118万元、免租金租住礼顿山豪宅等利益。

2014年12月，因串谋犯藉公职作出不当行为等罪的新地前联席主席郭炳江及许仕仁分别判囚五年及七年半，另外，涉案的新地前执董陈巨源，及港交所前高级副总裁关雄生则被判囚6年及5年。

郭炳江见记者答问全文：

记者：一出感觉点样？
郭炳江：唔信自己喺呢度
记者：有咩最想食？
郭炳江：冇，未谂
记者：最想做咩？
郭炳江：阿妈我返咗喺，睇下佢身体好唔好，要同佢食餐饭。亦好多谢家人，屋企人呢18个月，同埋我啲朋友，同埋我啲同事咁支持我，令我好感动。喺狱中我都受到好大鼓励，喺狱中期间，苹果黄小姐喺唔喺度？你写左好多信畀我，但我唔方便答你，我希望你明白，记得你点样。
记者：这年半狱中生活如何？
郭炳江：好有规律性，不过最好唔好喺里面，可以选择。
记者：How you feel?
郭炳江：Very nervous. I can't control myself. ya... so excited.(感到紧张，无法控制自已。)
记者：有何体会？
郭炳江：哗!好多体会，生命……当你丧失咗啲嘢时，你知道生命系几宝贵，例如你自己嘅自由，好多嘢平时觉得好应该，其实系神嘅祝福。你冇咗佢时，你就发觉对你生命有几大影响。
最简单讲，冇咗个电话冇咗个电脑，你都好难做嘢。狱中我做功课，用最原始方法，用手写，逐篇逐篇写，又唔可以写错字，写错字要另外做过，而家至发觉科技咁紧要，其他野都系，你哋未入过去就唔会明白。趁今日出到黎，对其他人有个忠告，珍惜你现有而家嘅嘢。