女人街再见了．专访｜刘心悠一直以为MK系赞美　吴卓羲：睇你点睇

“智叔”廖启智遗作之一，由吴卓羲、刘心悠主演的《女人街，再见了》现已上映，早前两位主角接受《香港01》访问，都有讲到自己对于旺角的印象、拍戏的辛酸。

刘心悠睇完《旺角黑夜》　以为旺角好杂唔敢去

首先电影背景发生于旺角女人街，虽然刘心悠来港多时，但问到她对旺角有何印象时，她竟然有意料之外的回应，她：“其实我初头嚟香港嘅时候，以前睇《旺角黑夜》个啲戏，就对旺角有另类印象，返去问公司同事佢哋仲同我讲‘嗱！呢啲你唔好去！’就话好杂嘅，所以就一路都觉得系个好杂嘅地方，有经过但唔够胆去，今次因为拍戏终于有得去觉得好感恩，终于有得了解呢个咁温暖、好靓、好有香港特色嘅地方。”

对于刘心悠的误解，吴卓羲解释到：“其实旺角系个比较年青啲嘅潮流指标，因为有好多时装、公仔、玩具、打机产品。事实上旺角系香港的地标，尤其是小贩档，呢条街系特色嚟。我成日都去旺角，之前得闲会去买游戏机、游戏碟，几年前自己仲有试过行入呢条街、自拍埋添。”

吴卓羲被指着衫好MK　“个样唔MK咪得啰！”

讲起旺角不少人都会提“MK”二字，有时候或多或少都带点贬义性质，当年吴卓羲被指着衫好MK，他回应：“其实自己有自己着衫嘅性格，着衫都系要自己舒服、衬得到就冇乜问题，个样唔MK咪得啰！”心悠补充：“其实我都遇过类似，有一排我头发整咗highlight（挑染），就话我好MK，MK系咩嚟㗎？”吴卓羲再回应：“MK就好似我头先所讲比较年青啲嘅潮流指标，比较突出点、另类一点。（心悠：所以唔系赞赏嚟㗎？）睇你点睇啦，即系有人话我MK呢，我OK嘅，起码叫做本土。”

刘心悠未正式拍试戏已经受伤

早有消息指出刘心悠在拍首场戏前已拉伤大髀，她忆述：“导演话试戏先，睇下镜头位置，当时我唔记得拉筋，佢体力又好劲，一扯就跑走唔小心拉伤，导演仲话我冇鬼用，因为一大班男人追住我哋，都要好用力跑，最终成套戏都系跛下跛下咁。好感恩卓羲好照顾我，又好有经验，喺镜头上攞位会遮一遮等我走少两步等等。”

吴卓羲当时见到刘心悠跛跛下先知拉伤，他：“其实都系因为我啦，唔好意思。后来因为太内疚、太自责，（心悠：系我脚短，对唔住。）唔系啊我就补救，总知点都好啦，我嚟保护你！喺现场啲人要影相我就话‘唔好影唔好影’，扮工作人员，同埋通常我都系佢身边（心悠：系真嘅），保护佢。”

点击睇更多：

吴卓羲笑言：差一哥个位未坐

讲起吴卓羲在演戏中演过大大小小不同部门的警察，他笑言：“其实我都有演好多不同角色，例如：巴士宅男、律师、反派等等，不过演警察嘅机率会多啲，老实讲警察部门入面我都仲有好多未演过，好似交通警、水警咁，（会唔会挑战埋？）之前我未离开TVB有监制同我讲借咗水警船，我唔介意演警察，我话‘唔好搞喇，我惊呕啊’，其实我都系差一哥个位未坐咋嘛，差唔多坐㗎喇。”

吴卓羲想做消防员多过警察

及后吴卓羲补充其实自己小时候“我的志愿”并不是做警察，而是选择做消防员，心悠问到：“有咩分别？”吴卓羲则回应：“揸枪同揸水喉，消防员要冲入火场、又要顶住高温，我自己感觉上好似系劲啲，训练都好辛苦。其实我有拍过《烈火雄心》，但估唔到我唔系做消防员，当时啱啱入行，TVB拣咗Bosco（黄宗泽），望住佢哋系好羡慕，但后尾知道佢哋拍完系好辛苦，一日流两、三磅汗，见到Bosco同郑嘉颖日头开工同夜晚收工时，个样系会唔同晒，觉得自己好彩冇份做，而系拍另一条线，有时都要愉下懒嘅。”

吴卓羲想同何诗蓓、张家朗合照

提起近日全城热话东京奥运，吴卓羲第一反应大叫：“耶！我有睇剑撃啊！啱啱返到屋企，睇到佢最尾个几下！诗蓓都破咗纪录，好厉害、好开心，希望诗蓓同家朗返香港后，可以同我影张相，俾我威下，系骄傲嚟嘅，即系佢哋企喺颁奖台上个刻，觉得原来我哋都做得到。”刘心悠都表示台湾举重选手郭婞淳赢第二名一大段距离，觉得佢好劲，背后付出好多血、泪，好尊重佢哋。

Credit：

吴卓羲：
Make Up : Marsha Ma
Hair stylist : Kenny Yeung

刘心悠：
服装： Initial
化妆： Annie G Chan＠Makeup Centre
发型： Eric Chow@XENTER hair salon