《女人街再见了》刘心悠见证智叔演技感染　“一上镜就有爆炸力”

由已故香港演员廖启智（智叔）、吴卓羲、刘心悠主演的《女人街，再见了》今日举行首映，二人接受《香港01》访问，重提跟智叔合作的点滴，均表示在智叔身上获益良多。

刘心悠先讲到自己在戏中饰演搬运工人，亲自揾一位搬运工人哥哥去学揸架唧车。“其实好搞笑觉得自己好似外星人，本身完全唔知点用，好在拍戏时啲箱系吉嘅，哈哈！”吴卓羲即时补充：“其实咁先系最难，你要扮有力啊！（刘︰你今次做古惑仔啵？）系啊，能够拖住刘心悠去做古惑仔，你仲想点呢？我哋每日喺旺角女人街开工就系跑，跑街、跑楼梯、仲要上山。”

当提及智叔时，二人均表示难过及惋惜，吴卓羲：“他是我非常欣赏的演员，演技就唔使讲，讲得多就好似擦鞋，当然欣赏佢嘅专业、对剧本嘅了解、演绎嘅方法、好投入等等，非常值得我哋学习。虽然有排都未学得晒，但少咗一位咁专业同神级嘅演员，系好可惜。”

而刘心悠则回应：“智叔一向俾我感觉都系好温文，一上镜就好有爆炸力，最记得一场戏佢要教仔，本身位小演员唔使喊，但智叔在旁做戏时，竟然讲到连佢都喊埋，连小演员都感受到佢嘅力量，可见感染力系好大，系天生嘅魅力。”