羽毛球谢影雪回应粉丝挑战MIRROR　柳应廷接受︰佢哋让左手都赢

由吴君如、梁仲恒（阿炳）、张继聪、胡子彤、钟雪莹等人主演的热血电影《妈妈的神奇小子》，改编自真人真事，MIRROR成员Jer（柳应廷）更为电影献唱主题曲《神奇之路》，今日（4/8）举行慈善CD single签名会，现场有过百柳柳粉到场。

签名会举行前，Jer接受传媒访问，他表示：“今次出咗200只碟，好多粉丝买唔到好失望，我都希望出多啲，记录低呢套电影故事。知道粉丝有向主办方申请想要多啲，加上今次是做慈善好想出一分力，目前知道安排中。”由于今次是推出实物，不少人都当作Jer人生第一只个人唱片。“自己拎住只碟都觉得好神奇，代入返自己《造星》条路觉得好有共鸣。（自己有冇碟？）自己都冇啊，希望今日签完佢哋会畀一只我。”

提及新歌《砂之器》同样有提及家人，Jer讲到有时间当然想同屋企人去旅行。“疫情前每年都会抽时间去旅行，关系系需要时间维击，而家紧系觉得去长洲都开心，最近工作太忙见唔到屋企人同佢哋倾偈。”

提起近日全城热话东京奥运2020，Jer显得兴奋︰“自己有睇游水何诗蓓、剑击张家朗，睇到佢哋其实你唔会知背后运动员付出几多，就正如苏桦伟先生一样，佢付出咗好多汗水、泪水，值得大家支持。”

另外，今早有粉丝在香港女子羽毛球运动员谢影雪IG中提问︰“如果Viu邀请港队同MIRROR打羽毛球友谊赛，你哋会唔会应承？会放水吗？”谢影雪即回应︰“我同俊文用右手又点话（二人擅长用左手）”Jer听毕话笑住回应：“咦！好㖞！我谂佢哋让我哋右手都未必赢到，玩吓啰，运动我觉得系一个好嘅挑战嚟嘅，个年轻人，希望接下来大家可以放多啲focus（焦点）喺香港运动身上，将来有节目可以玩嘅话，如果MIRROR可以令到大家聚焦在运动上都好得意，因为MIRROR加运动系一个几新嘅故仔。”