鬼同你住︱邵音音同情㓥房户：香港人唔应该住得咁辛苦

由陈果执导，黄又南、邵音音、太保、车保罗、李丽珍、张达明等人主演的《鬼同你住》今日（3/8）举行首映，由预告开始已经吸引观众目光的音音姐接受《香港01》访问都表示开心见到电影上画。

由于拍摄时期正值疫情期间，开工的确不容易，音音姐讲到导演好好，特意租下一间大屋来进行拍摄，而期间大家都好少聚集，加上工作人员减少一半卫生意识极强，戴上口罩都不说话，现时感到幸好当初有拍，不然到后来疫情更严重时，今年就冇得睇这新戏，大家都好珍惜。

及后音音姐提到自己的特效妆更加不容易，她：“我个妆要化4个钟头，落妆都要4个钟，仲要唔干净，加上个嘴又落咗好多gel，完全食唔到嘢，其实好辛苦。不过最后导演觉得太得人惊，好多戏都唔用，你睇下有我个样嘅海报，全部都打咗个禁字！”

虽然电影是笑片，但都带出了香港的土地问题，问到音音姐有冇试过在环境恶劣地方住过，她直言：“我就未住过，不过我觉得虽然唔应该系公开场合讲，但我好同情住㓥房嘅人，有头发边个都唔想做癞痢，经济环境好嘅人使乜住㓥房，又唔好意思话俾朋友听自己住边度，真系要（揾办法）安置佢哋，香港人喺世界上系好好命，唔应该住喺㓥房咁辛苦，应该个个都可以上楼。”