【鮑魚煎焗雞食譜】雞肉更嫩更香5大步驟！大廚炮製體面賀年菜

农历新年将至，不知道大家食团年饭、开年饭时会做甚么菜式？除了发菜蚝豉、黄金虾等等，还有甚么可以煮？早前就请教富嘉阁的总厨助理张东正师傅，他示范了两道在家里都轻松煮到的家常贺年菜，制法简单、卖相体面，今次先学煮这个“鲍鱼煎焗鸡”吧！
摄影：黄宝莹

新年怎能沒有雞？張東正師傅說：「一家人團聚，中國人一定會齊齊整整食隻雞。」他坦言以往做鮑魚煎焗雞都會用原隻雞，但今次特地選用雞髀肉，一來冇骨、二來更方便，若然讀者想用原隻雞，他建議：「我自己會成隻雞斬，你可以去街市買，叫佢畀啲斬咗嘅雞件你都可以。」

雞與鮑魚向來是絕配，張師傅續說：「鮑魚好似個元寶咁，腰圓背厚，感覺家肥屋潤，亦係象徵住財富。我哋話『鮑參翅肚』，鮑魚係山珍海錯之首，過年時候整番隻就夠開心，所以『鮑魚煎焗雞』好啱新年食！」他選用罐頭鮑魚，因為夠方便，很多人家裡都有一、兩罐看門口，並直言：「幾百蚊隻嗰啲乾鮑當然可以，但我就唔推薦喇，我今次揀呢個罐頭鮑魚，$330有14隻，都幾靚㗎，唔係差。」

訪問中他不止一次強調，要令雞與鮑魚的味道更融和，秘訣就是：「我攞咗少少鮑汁去撈隻雞，唔係罐頭入面嗰啲鮑汁，係另外嗰啲，咁鮑魚味道咪滲到落雞囉。同埋我哋煎雞嘅雞油都盡量唔倒走，啲食材咪會索晒雞油，雞嘅香味咪又去到啲鮑魚度。」

請按下圖睇「鮑魚煎焗雞」的所需材料、做法和小秘訣：

以下是「鮑魚煎焗雞」的簡便食譜，歡迎下載：