【80后创业】设计师为父亲开咕噜肉专门店 5种特调酱汁边行边食
咕噜肉——一道在大牌档、茶餐厅、酒楼都找得到的平民小菜，跟其他家常便饭平起平坐，却有人爱它爱到，要开一间咕噜肉专门店！一切源于店主Franki对父亲所煮之咕噜肉的一份情意结，他认为父亲的手势，绝对值得受更多人欣赏，于是近日终于将埋藏在心底10年的梦付诸实行，开设这间餐厅。而最特别之处，是咕噜肉居然酱汁另上，还有多达5种口味，实在过瘾！
摄影：郑子峰
Franki的父亲本身是个技工，却醉心钻研厨艺，所以Franki自细已好有口福，食到嘴都刁埋，他说自己本来不爱食肉，然而父亲炸的咕噜肉却让他爱不释手、吃个不停，所以早在10年前仍就读设计系时，他已不时叫爸爸开私房菜馆，但父亲总淡淡然回答：“算啦，你哋觉得好食啫，边有人觉得真系好食吖？”尽管父亲对自己冇信心，加上小家庭资金有限，然而Franki却从未放弃要将这“爱心咕噜肉”发扬光大的目标，静待一个机会，并不断研发如何把这家常料理做得更有特色。
咕噜肉平时要入酒楼坐低食，我将佢变成适合街头食嘅小食，呢个都系几大嘅革新！
讲到为何Franki所卖的咕噜肉会汁、肉分离，他就解释父亲本来都是沿用传统做法，把甜酸汁跟猪肉炒匀，但有时候一放久了肉就会被酱汁浸腍，因此他灵机一触，提议对方试著把酱汁另上，让家人每吃一件才蘸一次酱，“炸鸡都系汁同肉分开啫，但系冇炸猪㖞？同埋咕噜肉平时要入酒楼坐低食，我将佢变成适合街头食嘅小食，呢个都系几大嘅革新！”
然而万事俱备，只欠东风，讲到他终于踏出创业第一步，原来与另一位男士有关——叙福楼集团执行董事黄杰龙，黄杰龙素来鼓励年轻人创业，两年前他在facebook招募年轻人合作搞美食车，空有一股热诚，却毫无经验的Franki鼓起勇气毛遂自荐，“𠮶时胆粗粗整咗个Proposal，但系最后计过数，发现美食车未必可以好好地营运到，决定不如直接开地舖。”
与此同时，本身做设计师的他加入了黄杰龙旗下公司，在公关与市场部门继续做设计，两年光景获益良多，“真系好好彩黄生畀咗呢个机会我啰，冇同佢嘅合作，呢个梦想唔会实现。之前完全冇接触过F&B（餐饮），喺佢公司先接触到，又可以Keep住做我擅长嘅嘢。呢两年不断研发，直至大半年前觉得时机成熟，啲嘢稳定就正式开呢个品牌，开始学点计数、点样Run一个Business。”作为设计师，本身对美学固然有自己的一份执著，这位商场新丁最初总是顾著个“靓”字而忽略了现实，“Designer一定系以靓行先，但黄生就畀好多意见我，要我将靓同Operation之间拿捏返个平衡。为咗靓，影响到我啲同事做得唔Smooth，咁有咩用呢？呢个系我最明显学到嘅一样嘢。”
由于爸爸体力未必负荷得来，不会来舖头帮手，所以Franki决定开舖后，就参照他的配方，与师傅一同研究，几个月来食炸猪肉食到厌，“原来唔系睇起上嚟咁简单，佢写乜你跟住嚟整就得㗎，要注意好多Details位先整到依家咁。我唔系一开波就即刻整到佢𠮶个效果，我有Keep住问佢，其实𠮶度系点㗎？点解我做又唔同你嘅？佢都Keep住畀意见我。”问到目前学到爸爸几多成功力，他笑笑说：“接近十成㗎喇！”尽管记者未尝过Franki爸爸的手势，但大概日子有功，Franki改良过的配方所做出来的咕噜肉，炸得干爽又不腻，佐以各种酸酸甜甜的酱汁，更是别有一种新鲜感。
按下图即揭晓5款特调酱汁口味！
食咕噜肉通常都是用猪腩肉，然而咕咾Goolo则供应三款猪肉，包括：猪腩肉、梅头及猪爽肉，他说：“猪腩肉就肥啲好食啲，佢肥所以够多汁吖嘛，但我哋谂𠮶时就觉得，系咪真系个个都钟意食咁肥嘅猪肉呢？会唔会有人觉得漏呢？所以就研发埋另外两个部位，梅头系半肥瘦、脂肪同肉系均匀，而猪爽肉就令佢口感更加强，因为佢系最弹牙嘅部位。”
爸爸成日觉得自己做紧啲个个识做嘅普通嘢，我就系想证明畀佢睇，佢整嘅咕噜肉系有独特性！
原来当Franki父亲得知他决心开舖时，并没太大反应，Franki说：“佢成日觉得自己做紧啲个个识做嘅普通嘢，我就系想证明畀佢睇，佢整嘅咕噜肉系有独特性！同埋经过重新Polish完，或者令个Brand形象再出啲，其实成件事会唔同晒。直至真系开喇，佢嚟过喇，我睇得出佢系几开心。（佢只系内敛？）系呀，传统爸爸嚟㗎嘛，我Feel到佢开心，但系冇好夸张咁讲出口。”店舖开张后，父亲亲身光临这间店，当讲到他对菜式有何评价，Franki满足地表示：“佢嚟试完都觉得几好，同埋佢未试过猪爽肉同梅头吖嘛，佢食完话：‘咦，原来几好味㖞依两个。’返屋企都有自己整嚟食，调返转头跟返我。”
除了咕噜肉之外，餐厅也供应其他小食、炸物和甜品等，请即按下图睇其他菜式及价钱。
饮品方面则比较特别，餐厅推出了三款凉茶啤，绝无酒精成分，大人细路都适合饮用。他解释灵感由来：“我哋呢两年一路研发，就Keep住食好多炸嘢，当然我哋都知炸嘢配啤酒系十分好，但系冇理由下下饮啤酒，我每次觉得热气就会去买凉茶饮，饮饮下就觉得，咦？其实炸嘢配凉茶先系最好㖞！一路讲紧啤酒系‘鬼佬凉茶’，咁我可唔可以将凉茶扮成啤酒呢？”就这样，三款口味的凉茶啤就此诞生。
咕咾Goolo
地址：尖沙咀柯士甸路15号金巴利大厦B座地下C舖
电话：3460 2328