【饮食KOL】研究食物史每日follow几百人 叹港人畀like好孤寒
随便在Instagram碌几碌，满街都是Food Blogger，追踪人数从几十人到几十万都有，无他，因为这是KOL空群而出的年代，也是有人出一个Post比起你打整个月工赚得还要多的年代，加上人人每天都会吃东西，要当“食家”的门槛似乎比起其他界别的KOL低。不过，当市场已到了饱和甚至泛滥的状态时，愿意付钱请人试食的餐厅为何要非找你不可呢？我们找来了其中一位Food Blogger Sawyer接受访问，想成功吸引餐厅“畀钱你赚”的话，他认为最紧要就是走条与别不同的路线，找出自己的存在价值。
26岁的Sawyer两年前仍是学生，决定跟女友Holy开始成为Food Blogger的原因非常简单，“因为我哋成日出去食嘢，越食越贵，好似一食完落肚就所有嘢都完咗，其实系咪可以做多啲？”只有Instagram一个平台的他们，追踪人数比起其他Food Blogger并不算多，大约9300人左右；出Post量跟那些天天卖广告的人来比，有正职在身的Sawyer更只是每月更新四次。然而凡事总不能只用数字来衡量，他觉得为自己的专页寻找存在意义更为重要！
如上文所言，尽管很多人自费食餐饭、写两句“好好味！”已能自诩“饮食KOL”，Sawyer却一直务求靠内涵取胜。有人说，这年头没人喜欢睇字了，尤其是Instagram这些平台，相够靓、片够丰富已经足够，可是出Post量“贵精不贵多”的Sawyer却坚持写长文，树立自己风格，“唔知点解越写就越想写多啲，渗下渗下就好多，净系写食物嘅味道已经百零二百字，再介绍返餐厅环境，好易就写到800字。”他以“鱼蛋论”解释当日初衷：“香港好多Food page会话啲嘢‘真系好好食。’但唔会形容。好似鱼蛋咁，有人钟意食弹牙，有人钟意食腍嘅，你话好食，钟意食腍鱼蛋嘅人睇到你话好食，可能佢Expect个鱼蛋系腍㗎嘛，我就会一开始写咗好食嘅鱼蛋Suppose就系弹牙，咁相比其他网站，个标准客观少少，争拗咪少啲。你真系觉得鱼蛋腍好食，咪唔好去𠮶间餐厅啰。”
除了关心食物是否美味之外，他也从餐厅背景及食物制作方法著手，带给读者更多资讯，一切原来跟大学时选读的学科有关，“我自己读日本研究，毕业论文就系写日本Food history喺明治时代有咩改变，所以对食物History都有少少研究。”但翻看其Instagram，介绍中高档西餐厅远多于日本餐厅，他就如此解释：“我行诚品会特登去饮食𠮶边睇下，真系会有讲食嘢History、讲佢点嚟嘅书，但好少啰，反而讲佢点整嘅就好多。我次次见到都即刻买咗返去先，第日如果咁啱食到呢个菜，就可以再研究返个Background。”
尽管Sawyer和女友每月只出四个Post，看来“工作量”并不沉重，但他却透露每天总要为经营这个Page花上几小时，不是吧？“要做资料搜集、睇书、写文同执相，一张相我谂都要用Photoshop执25至30分钟。”
我有落过Instagram广告，但成效唔大，可能畀几百蚊，佢换返嚟得几十个Like，咁我畀咁多钱都冇乜用。
想不到每日最花时间的工序，原来就是不断Follow其他人的Instagram，因为Sawyer拒绝买Like，觉得只有假Follower根本对经营社交平台一点帮助都冇，就连畀钱落广告都放弃了，“我有落过Instagram广告，但成效唔大，可能畀几百蚊，换返嚟得几十个Like，咁我畀咁多钱都冇用。所以我宁愿Follow啲人，Catch咗佢个注意，睇下佢会唔会睇你个Page啰，因为我觉得香港人始终有少少冷感，好孤寒！你Follow佢，佢都未必会Follow返你！”
根据Sawyer的统计，自己的读者群主要为20至28岁的女生，因此他会积极地Follow这一类人，每天Follow几百个，可惜通常只有20人愿意反过来追踪他，“至少系真嘅User先，同埋我哋有个习惯，见到广告Page Follow我哋，都会Block咗佢，因为Followers好紧要，如果有日你个Page冇乜新Followers，冇人睇，即系个Page冇存在落去嘅价值，所以个增长其实都好紧要。”他直言两年间不断重复这个步骤——Like人，也渴望被Like，形容是“一步一脚印”，丁点都不敢怠慢，“真系好少会每日多过25个（Followers），但我觉得做依样嘢系有Momentum喺度，如果你停咗，之后就算再开始返，可能每日都系5至7个，要冧返上每日十几个，又要等几个月，真系唔可以停！”
我净系写好食嘅嘢，因为一个月出四篇，仲要出时间写篇唔好食嘅话，我𠮶个礼拜啲Reader就揾唔到间靓嘅餐厅。
近年来网上一片对“饮食KOL”谩骂之声，有Haters用尽火力攻击某些Blogger收钱介绍劣食、卖广告，有时甚至见到“打手死全家”等激进留言，不过枪打出头鸟，自言“唔系好出名”的Sawyer暂未遭受过任何攻击，但也曾有些不太善意的留言，Sawyer说：“有次我写Duck Waffle，就话其实整Duck waffle都好麻烦，要有部Waffle机，煎鸭髀用一嚿嘢，跟住再炒啲Toppings放落去，有人留言话：‘Wow，呢啲都要写出嚟咩？’觉得我写咁长好无聊，我冇嘢嘅，喺下面Explain返其实我唔会喺屋企开三个炉整一个Dish啫，跟住佢就冇Reply。”另外也有些网友视Sawyer为信心保证，特意私信叫他推介心水餐厅，“我哋好钟意食Beef Tartare，佢会话‘你介绍咁多间餐厅嘅Beef Tartare，觉得有边间餐厅嘅Beef Tartare最好食呀？’”
网友经常不值Blogger一味将餐厅唱好，让人感觉像鳝稿一样，问到Sawyer会否都只将餐厅好的一面呈现人前，他说：“我净系写好食嘅嘢，因为一个月出四篇，仲要花时间写篇唔好食嘅话，𠮶个礼拜啲Reader就揾唔到间靓嘅餐厅，所以我喺餐厅筛选𠮶方面都尽量拣下，同埋会避开新餐厅，想睇定啲评价先。”
Sawyer透露朋友经常好奇他究竟何来有钱到处“食好西”，原来他一直都用折扣餐厅订座平台Eatigo提供的半价或六折优惠，以实惠价享用美食，其贴文更曾被餐厅转贴，于是他得悉Eatigo正招募赏味专员，便毛遂自荐加入成为其中一分子，不但能免费食返餐，出一个Post更有$500至$1,000酬劳，连同餐饮券等，每月更能赚取高达3万元优惠！问到收入是否变得非常可观，Sawyer淡淡然说：“其实唔会真系太介意个收入，我透过Food page赚咗钱，都系摆返落去个Food page度，再去返其他好餐厅食嘢，Share畀人。”
访问当日，即场考考Sawyer点评访问场地环境及食品，按图即睇更多食品及其评价！
要自己清楚个定位，话畀人听我呢个Page同其他Page有咩唔同。有时餐厅邀请我食嘢，系咪所有餐厅我都要去呢？把尺其实喺自己度。
一牵涉到钱，总很容易令人觉得是卖广告，被问会否因为收了钱便一味替餐厅隐恶扬善，他指自己筛选餐厅时都会下一番工夫，并非有邀请就会去，更强调：“要自己清楚个定位，话畀人听我呢个Page同其他Page有咩唔同。有时餐厅邀请我食嘢，系咪所有餐厅我都要去呢？把尺其实喺自己度。咁点拣呢？你觉得你啲人喺度睇到你介绍咗呢间餐厅，会有咩感觉？会唔会同你本身出啲Post系格格不入呢？依个自己衡量返。”当讲到万一被他精选的餐厅最终水准平平，他会如何处理，Sawyer谓：“如果真系麻麻地，我会睇下佢全间餐厅系咪真系冇可取嘅位置，譬如环境、Service，因为我写餐厅如果我知道嘅话，都会尽量写多啲佢嘅Background，如果真系背后有故事，啲人知道个故事，佢去间餐厅，同普通Walk in入间餐厅个Experience又唔同。”
旁人看来，有免费餐食而且还有钱收，做赏味专员当然是笋工一份，然而Sawyer就表示自己要比以前更勤力，他说：“因为我1个月出4个Post，依家要Balance返，唔可以读者睇亲所有Post都系Eatigo餐厅，好唔Fair。我觉得可能要用双倍Effort，譬如依家一个礼拜一个Post，迟啲可能一个礼拜两个Post，沟返淡个比例，唔可以咁重，依个系我哋个Challenge。”