23条立法｜陈国基：香港有病、外部势力搞到好乱，靠23条啲药医好

基本法23条立法公众咨询期月底完结，政务司司长陈国基表示，23条立法除了是宪制责任，亦是保护香港的良方妙药，“你可以理解成香港有病啦，外部势力入来搞到香港好乱，23条系药嚟㗎，系帮我哋医返好佢㗎。”他强调23条针对少数破坏香港安全的人，“呢啲同普通市民系无可能有关嘅，佢只系一个保护，而唔系一种针对，大家要弄清呢个事实。”

陈国基：香港有病啦，靠23条呢啲药帮我哋医返好

陈国基接受电台访问时引述西方势力指，23条立法是破坏香港自由和人权，他认为现实刚刚相反， 称2019年香港未有国安法时乱象丛生，西方势力一直破坏香港安宁，形容香港无人权自由可言，国安法立法后国家安全才得到保障，社会回复正常、享受自由。他指，23条立法除了是宪制责任，亦是保护香港的良药“你可以理解成香港有病啦，外部势力入来搞到香港好乱，就系靠呢啲国安法、23条呢，呢啲系药嚟㗎，系帮我哋医返好佢㗎，咁我哋一定要靠呢啲良方妙药，先至能够确保香港能够健康发展。”

陈国基：叛国、颠覆政权、间牒罪同普通市民无可能有关

陈国基反驳西方势力批评23条立法，“美西方势力一直批评就话23条破坏香港自由呀人权呀，因为佢唔想你有呢个保护伞，佢唔想你有咁有效嘅药保护香港健康，佢唔想你有，最好你乱。”他强调23条是针对少数危害国家安全的人，“你谂下例如叛国啦，颠覆政权啦，危害国家安全，或者甚至系间牒罪，呢啲同普通市民系无可能有关嘅，奉公守法市民一啲关系都无，大家系唔需要担心，只系针对一啲真系想破坏香港安全嘅人，系针对呢一小撮人，绝大部分香港人呢，佢只系一个保护，对佢哋嚟讲系一个保护，而唔系一种针对，大家要弄清呢个事实。”

“公众利益”作为辩解？陈国基：欢迎建设性建议

外界关注窃取国家秘密罪，可否加入“公众利益”作为豁免理由，陈国基指，政府非常欢迎建设性意见，“佢哋有唔明嘅地方，我哋解到佢明，如果佢有咩建议，建设性建议同我哋提呢，我哋都会听佢哋意见返去研究嘅，咁呢个一定会做，呢个系绝对欢迎”，称大家提出的意见当局会研究，亦是今次咨询的目的之一。