美斯缺阵惹全港公愤　谢东闵现场睇波直击碧咸被嘘惨况：我好心痛

谢东闵今日（5/2）现身打鼓岭云泉仙馆出席无线热播剧集《本尊就位》之“向吕祖祈”宣传活动。提到昨日香港大球场，上演一幕香港足球盛事表演赛，由“香港队VS 国际迈阿密CF”，“球王”美斯疑因伤未有落场，在一片嘘声中结束。有球迷不满怒斥“世纪大骗案”、直指香港变成水鱼之都。更有球迷在现场怒踢美斯人形纸牌泄愤表不满。

昨日有份入场睇波的谢东闵就事件接受《香港01》访问时表示：“其实美斯冇落场踢波，就变咗有一个尴尬位，咁所以希望主办单位同我哋大家交代，究竟系系主办单位有问题，定系国际遇阿密𠮶边有问题，认为美斯有伤所以冇派落场呢？但我就觉得佢落场踢几分钟就Ok。我系现场都见到苏亚雷斯都喺场边都有热身，我仲见佢跑得好快。咁所以成件事，希望各方都要解释清楚啰，唔好令到大家会有咁多揣测，因为我今日见到呢件事，已经上晒去国际新闻，而我觉得碧咸好惨，被现场嘅球迷嘘得好惨，我好心痛，我希望佢领队同香港讲两句。”