中年好声音2｜陈蒨葶病足成个月严重失声 “睇极医生都唔好”
撰文： 吴子生
出版：更新：
无线歌唱真人骚《中年好声音2》，今日（3/2）于将军澳电视城举行宣传造势活动。其中参赛者陈蒨葶都有出席。提到即将进入12强淘汰赛，陈蒨葶受访时就透露自己病了足足一个月。
+5
陈蒨葶：“我好相信每一位参赛者都有自己嘅信心，同埋会唱好自己嘅歌，但明白到有好多嘢都控制唔到，唯有拼尽全力去应付。不过呢排天气好飘忽好唔稳定，就好似前排，我系病咗成个月，要中西合璧咁睇医生，但睇极都唔好，过程好惨好辛苦，仲要失声成个礼拜。”
但陈蒨葶庆幸录影嘅时间比较长，有时间休养。“因为过往我哋录影系好密集，变咗就冇时间畀我哋休息，而𠮶次录影时间长，变咗系录影前，我就好返啲，所以影响唔系太过严重。”