美斯缺阵变罗生门　黄嘉乐感无奈：真心觉得呢一个系公关灾难

黄嘉乐今日（5/2）现身打鼓岭云泉仙馆出席无线热播剧集《本尊就位》之“向吕祖祈”宣传活动。讲到昨日（4/2）“香港队VS 国际迈阿密CF表演赛”，“球王”美斯疑因伤 未有落场，在全场一片嘘声中结束。有球迷不满怒斥“世纪大骗案”、高呼 “回水”，直指香港变成水鱼之都。港府随即发声明划清界线，指“极度失望, 主办单位欠球迷一个解释”。

黄嘉乐就事件接受《香港01》访问时感到无奈：“其实系人都知呢场足球系表演赛，只要落一落场成件事就解决晒，直头系完美解决晒所有嘢。所以成件事出到嚟系会唔系咁好。不过讲真佢哋呢啲国际队伍，喺合约方面一定系好保护自己，而今日都好多新闻报道中有提到，只要因身体理由就可以唔使落场，咁而家佢嘅情况就系因为健康理由落唔到场，咁所以大家就可以唔使拗。反而而家我就最担心个主办单位，嚟近美斯佢哋会去日本踢友赛，如果美斯到时落场踢，就会变成国际事件。”

嘉乐续说：“其实成件事，我都谂唔明，呢场波只不过是场商演嚟，就好似我哋艺人咁，如果自己唔舒服咪喺台度同大家讲自己唔舒服，表明自己会尽力去唱，其实成件事就咁解决咗。我真心觉得呢一个系公关灾难。”