中年好声音2｜陈燕娜人气急升 带挈公司赚钱︰倾价钱都易啲
撰文： 吴子生
出版：更新：
无线歌唱真人骚《中年好声音2》经过一轮激战后，14强上周经已诞生。无线今日（3/2）于电视城举行宣传造势活动，宣布参赛者明晚争入12强。
其中一位参赛者陈燕娜接受《香港01》访问时表示：“其实去到呢个阶段，已经唔系好似之前咁紧张，对得失睇得咁重要。而最近天气都唔系咁好，加上自己本身都有气管敏感，搞到唱歌嘅表现都大打折扣。不过我都有准备嘅，就系每次录影前都会食定啲抗敏感药，去控制病情。如果唔食嘅话就会比较唔舒服，唱歌表现都会失准。”
+5
被问到参赛后人气急升，有否为本身的工作带来便利？身为营业副总监的陈燕娜则表示：“其实都有啲帮助，因为我啲供应商都系喺内地嘅，但原来内地好多人都会睇呢个节目，变咗啲供应商都知道，仲同我讲估唔到你都有去参赛，变咗大家都会倾多咗话题，令到彼此嘅关系都拉近咗，到有需要倾价钱时，叫佢哋减价都易啲，佢哋都会好乐意，呢个位系有啲帮助嘅。（帮公司悭到钱，新一年有望有人工加！）哈哈，希望系啦！”