袁文杰结婚3周年相吓亲网民 4字回应更令人惊讶
撰文： 吴子生
出版：更新：
日前袁文杰与爱妻张洁莲（Jackeline）到餐厅吃饭撑台脚庆祝结婚3周年纪念日，不忘上载甜蜜温馨照，并写上：“今天是 Jackeline 和我的结婚3周年纪念。”岂料照片的青绿灯光色调却吓亲一众网民，问：喺地府庆祝？
袁文杰今日（22/12）现身将军澳电视城，出席无线处境喜剧《爱．回家之开心速递》之“开心冬至迎圣诞派对”活动，就事件接受《香港01》访问时说：“其实𠮶日我帮张相试色试咗好多次，试完之后，就咁掟咗出去，一时无为意，拣错咗张相。之后几个钟见到啲网民留言，先发觉自己Po错咗张相。之后我老婆知道，畀佢诈型，问我可唔可以换过佢？我仲笑话‘有得佢啰，畀人睇吓’。佢就叫我一定要换咗佢。”
袁文杰解释一时大意原因，加上“我有色盲”，他解释说：“可能自己年纪开始大有老花，加上本身我自己有色盲，以前我读小学四年班时，做过颜色测验，诊断我有色盲。可能𠮶刻我系唔察觉，你哋睇𠮶张相绿色会强烈啲，但喺我眼中又可能唔一样。所以先会搞错，不过自己又衰嘅，自己又冇Double check就算，所以我个人好哩啡。就好似今日咁，我戴咗顶帽喺绿色，我又睇错，我以为系浅灰色。因为好多时我系会搞错某啲好近似嘅颜色。”