Home即是识｜森美自爆因一件事赢尽外母欢心　成功追老婆到手

森美和冯盈盈昨晚（21/12）现身将军澳电视城出席《Home即是识》节目录影。身为一Home之主的森美，受访时笑言自己挨得、抹得、砌得，样样都得，简直是十大成功男人典范：“因为我会砌完台之后，我又会砌櫈，讲真我砌嘢都好叻㗎。讲开我哋做男人，真系少一个功能都真系争啲㗎，就好似我以前追我女朋友返嚟嘅时候，佢妈妈钟意，系因为我上去女朋友屋企换灯，同埋帮佢油咗块墙，咁当时佢妈咪对我印象非常之好，佢认为可以交个女畀我。咁所以唔系话喺麻雀台上先揾到好女婿，家居上都可以揾到好女婿，而家呢个老婆就系当时𠮶个女朋友嚟。”

盈盈接着说：“好甜蜜，最后修成正果。家居上嘅嘢，我就冇森美咁叻，咁多功能，但我主要就系喺营养学上。但凡屋企要维修，安装、电器嘅嘢，我就会交畀我爸爸去处理，而家居清洁方面，我都会负责，因为我都好钟意干净同整齐。”