邓依婷投资餐厅失利 损失金额6位数 唔敢再搞生意：有心理阴影

邓依婷（Irina）今日（21/12）现身铜锣湾出席好友黄子桐美容院新店开幕。Irina透露自己近期都心动想创业，但基于曾经投资失利令她有点却步：“呢排都好多人揾我倾，问我有冇兴趣搞美容院，但我觉得做生意系要投入好多时间，就好似我几年前同朋友夹钱开酒吧同餐厅，因为自己冇时间去睇住盘生意，到最后所有投资落去嘅钱都冇晒，金额都成6位数字。依家如果有人揾我倾创业，我系会有心理阴影，始终做生意真系要落手落脚去做，唔可以假手于人。同埋做生意，真系要有时间，如果冇时间，净系出钱，我觉得咁样好冇安全感同保障。所以如果要做生意，一定要做啲自己熟悉嘅行业，同埋最紧要有时间。”