林雅诗收狂徒不雅照 对方露面露全相：觉得佢好勇

林雅诗今日（19/12）现身西九龙中心出席《猫箱设计比赛颁奖典礼》。林雅诗半年前带同儿子移居英国展开新生活，不过她早前在社交平台大吐苦水说揾工难，应征超过30份工都没有回音，连洗碗工都想做但无得做。她又自爆收到性骚扰信息，对方传来裸露下体不雅照，令她感到很困扰。

林雅诗接受《香港01》访问时表示：“呢位香港男士喺Facebook度传短讯畀我，话想约我，但同时佢又传咗一啲有佢个样，加佢嘅下体照畀我，而且有啲相佢系有动作。我觉得好呕心，觉得系好唔尊重。我已经冇理佢，但佢仍然继续咁做，最后我封锁咗佢，但佢又用第二个假身分，去再传𠮶啲不雅照畀我。佢呢种行为都有成个月，个问题都至今都解决唔到，唯有唔去睇。（以前有冇收过同类嘅照片？）以前系有收过，但就冇咁夸张，呢次系见埋佢自己个样，我就觉得佢好勇。（惊唔惊佢找你晦气？）好惊㖞，而家讲完好惊。（你惊唔惊佢而家喺度？你自己要注意人生安全）唔会啩，我记得佢系带眼镜的。”